Gmc

[Jathmi]

قصيدة السبيعي عن الجمس

بدوي يتغزل بسيارته الجمس 450

حييت ياجمس اجداد مشاريه & عبارتين بإمية الف شريناه
اربع مئه وخمسين من عند اهاليه& اخر مديل بعالم الشرق عزاه
حالف حرام اني لسوقه واعديه & يوم إن ولد امه قصر ماتهقواه
جمسٍ الى شفته اعزالك تقهويه& ياطيب طيب القهوجي كان قهواه
تقول معزومٍ لحفلة سواريه& جاك إمتشيك وإمتعطر ومحلاه
سواه لطوال الشوارب إمسويه& ولايركبه ياكود حامي حمياه
حر ٍ كفخ من روس عالي مباديه& قرمٍ تلطم واشقر الكنت طفاه
ياليت راع الجمس يومه يسميه& على اسم عنتر وإلاابو زيد سماه
حيثه شنب يستاهل المدح زاهيه& ملعون ابو من لاقمز له وحياه
من حشمته مركبوا اهل الدلع فيه& ولاسوقوه اولاد دادا إوداده
ولاساقه الخكري ولااحمر عتاريه& وبنات العليا ماتعلن زواياه
والجمس احبه حب غالٍ إلغاليه& حبٍ عضيم حب نمر ٍإلوضحاه
من حشمته لجيت اسافر اماليه& ولاخلص المشوار جيت اترظاه
واشيب عيني يوم اجيله واماليه& مثل الذي وسط الخلا شاف لاماه
خطرٍ الى ناديت يقول لبيه & ومن دون سايق يشتغل من وراء داه
هو ميتٍ فيه وانا ميت فيه& لوهو جديد احب شوفه وطرياه
لقمت المس فوق بديه وادريه& بلاشعور قمت ادور شفاياه
ليته هنوف لجل اضمه واداريه& اشرب وامزمز من حلاوة ثناياه
حالف يمين اني لابيه ولا اهفيه& لوربحوني بالف الف إ مدلاه
يوم الردي يبيع صاحبه بجنيه& والله مابيعه دامه ام الطلي شاه
حتى وانا بالمسجد الفرض اصليه& ادعي لجمسي ياعسى الخلد مثواه
وان كان عني راح ماني بناسيه& كود البدو حب المقاطين تنساه
تحرم علي نوره حرامٍ مقفيه& وتحرم علي البيض من كل منحاه
ياوين اباالقالي حريصٍٍ واوصيه& لاغبت عن جمسي يزوره ويرعاه
في ذمتي يبغالي الروح لفديه& هوملته عمر المعنا ومخباه
ومن جلدي الباليه لوقي سماريه& ومنهو سعى للجمس ماخاب مسعاه
يالايمي بالجمس غادي وسفيه& بلاك ماشفته ولاشفت حلياه

[باعث امل]

اعطه عنواني ورقم جوالي !!

ياوين اباالقالي حريصٍٍ واوصيه& لاغبت عن جمسي يزوره ويرعاه

صح لسان القايل
والنــــاقـــل


تكفى يالـjathmi تعطيه عنواني على شان
لاغاب عن جمسه
أزوره وأراعيه
7
7
7
كل شيء تملكه يكون غالي عليك
حتى أنا الكابريس LTZ الـ95
غالي علي .... مع انه مطفشني حبتين بالكهربا
بس يبقى غالي
ولكن ألأغلى
موديل الـ90

[Jathmi]

شكرا لأعطاء اشاراكاتي من وقتك

وانتبه Ltz لا توديه كهربائيين بطحان

تراني بعت 93 وانا ابكي من القهر على شان الكهرباء

[الأصمعي]

يا جذمي بالأمس vxr واليوم gms باقي الددسون أرجوك .
لكن تراك أخطأت خطاً عظيماً عندما ذكرت ( بطحان ) لأن ( باعث امل) من هناك والكهربائيين هناك لهم عليه حق الجوار . وربما أقول ربما يغضب الراعي الرسمي للمنتدى . ( انظر أعلى الصفحة ) .
تقبل تحياتي .

[عاصم سحاري]

موضوع جميل وردود جميلة وأجمل ما أعجبني رد باعث أمل ’ أيها الباعث: بصماتك واضحة ولمساتك مميزة خفة الظل ودعابة لا غنى لنا عنها مع ما أنت فيه رفع الله بلواك وفرج همك .
أشكرك أيها الجذمي على القصيدة الجمسية الرائعة .

[Jathmi]

كل شي الا اهل بطحان لهم علينا حق التقدير والزمالة تراني اذا طلعت الديرة لي زيارتين لبطحان يوميا وكله كوم وسوق الريالين كوم تدخل على العنوان ريالين مع الصغار وتطلع بمية ريال والا المنتزه ترونا مستنين النافورة على احر من الجمر انا والاولاد كل مرة يسالوني متى بتصلح النافورة
الجذمي

[باعث امل]

ابو مراد

[باعث امل]

شكرا لأعطاء اشاراكاتي من وقتك

وانتبه Ltz لا توديه كهربائيين بطحان

تراني بعت 93 وانا ابكي من القهر على شان الكهرباء

لاتوصي حريص
لك الله إني سافرت عليه حتى تبوك وانا عارف إن فيه ( بخاخين ) قافلة
كله عشان ما ادويه عندهم
ولا ودي أطبق المثل اللي يقول :
بغي يكحلها خفع عيونها

وشكراً عل النصيحة

[باعث امل]

كل شي الا اهل بطحان لهم علينا حق التقدير والزمالة تراني اذا طلعت الديرة لي زيارتين لبطحان يوميا

الله يسلمك ويعطيك العافية
وهذا من طيب أصلك

وكله كوم وسوق الريالين كوم تدخل على العنوان ريالين مع الصغار وتطلع بمية ريال

الله يصلحهم ويخليهم .............. يارب

والا المنتزه ترونا مستنين النافورة على احر من الجمر انا والاولاد كل مرة يسالوني متى بتصلح النافورة

في القريب العاجل بإذن الله

[باعث امل]

أي نعم

لونظرت لأعــــــــــــــلى الصفحة

ستجـــــــــــــــــد