Tweet
أجيه وأدري لو أجـي مالقيتـه
لكن كذا أرتاح لاجيـت ماضيـه
والله لا اموت وغايتي مانسيتـه
حتى بصلاتي اطلـب الله يهنيـه
الحاره اللى تفتخـر فـي مبيتـه
نامت كما طفلٍ فقد حضن اهاليـه
حتى في غيابـه للشـوارع شكيتـه
قالت تصدق عاد مثلك انا اغليـه
يشهد جداره من حنينـي بكيتـه
ودي أضم جدار بيته وأنا ابكيـه
ياما بصدق أحساس قلبي عطيته
وياما خذاني من التعب بين اياديه
أذكر في ذاك اليوم مـره لقيتـه
يبكي وضايق ياصاحبي مـن لياليـه
جيته بدون شعور لهفـه خذيتـه
وساعه أنا وياه جالس اواسيـه
وشرد خيالي من دموعه نسيتـه
جالس أفكر في دموعه وناسيـه
أثـره يناظـر دمعتـي مارأيتـه
قام وسألني ليش تبكي وأنا فيـه
مسح دموعي ياصاحبي واحتويتـه
مثل الغريب اللى تضمه غواليـه
واليوم انا والدمع وجـدار بيتـه
نسترجع الذكرى قبـل لا يخليـه
من اجمل مارأيت
التعليق