Tweet
الـورد أيش؟ وليش باسمـه نـسميه
أو أيـش معنـى بـالوجود اعـتـبـاره؟
سـؤال بــاغـتـني ولا كـنـت أعـنـيه
ولا كان قــصـدي مـن وراه الاثـاره
شفت البشر مـتخالفـه فـي مـعانيه
وكـل(ن) علـى رايـه محتـم قـراره
البعض صاب الراي والـبعض مخطيه
وانـا بـعـد شـاركـت لو بـالاشاره
أحد(ن)يــقـول إنـا نـبيعـه ونـشريه
سلعه تـبـاع بــربـح والا خـساره
وأحد(ن) يقول إنـا للأحبـاب نـهديــه
تعبيـر رمـزي .. لـلـمحب اخـتـصـاره
وأحد(ن) يشـم العـطـر مستمتـع فيـه
واحد(ن) يبادل فـي بــياضـه حـماره
وأحـد(ن) يــلمه ثـم بـالأرض يـرميه
وأحد(ن) يدوسه مثل دوس السجاره
وبعض البشر هاويه مو عارف(ن) ليه
والبعض يعتبـره ضـرورة حـضـاره
لـكـنه اسمـى مـن تصــور معانيه
وأسـمى وأجل من الخـيال ومـداره
فيـه التفـاؤل والأمـل.شـي يـعـنــيـه
ومن الــوفا والـحب مـاخذ شـعــاره
أرق وألــطـف مـن نسـيـم يـهاديه
يهتز له ويـفـوح نــبــل وطهاره
لكن علـى رغـم الـوفا والمـشاريه
في طيب عـطـر وفي بهاء ونـظاره
من تهملـه مـره ولا عـاد تسـقيـه
يــمـوت ذابــل ويتفـتـت وقـاره
ملطووووش
التعليق