Tweet
اسمعي مني نصيحة يا مدام=النصايح تنفع القلب السليم
وارسليها بالوسايط لمرام=ترسله لأشواق وأحلام ورنيم
يرسلنه للعنود ولابتسام=وللهنوف ونوف وأنوار وسديم
يرسلنه للعنود ولابتسام=وللهنوف ونوف وأنوار وسديم
وينشرنه بالمدارس والدوام=ويرسلنه خارج حدود القصيم
طيعن الله واطلبنه بالظلام=وجاهدن النفس وإبليس الرجيم
واشغلنه بالصلاة وبالصيام=واحذرن الهرج والقول الأثيم
وبركن بالوالدين وبالقيام=في حقوق الزوج فيه أجر عظيم
واوصلن أرحامكن لأجل السلام=والتواصي بالفقير وباليتيم
ولبسكن بالسوق في كل احتشام=يرضي الله فارض الشرع العظيم
واقصدن بالمشي وامشن باحترام=واخفضن الصوت في همسن حشيم
واحذرن من الميوعة بالكلام=تسلمن ويسلم القلب السقيم
ضابط الدقات في قلب الغرام=يتلخبط لاسمع صوت الحريم
وخلن الإسراف في لبس وطعام=طبعكن ياللي تغلبن الكريم
واذكري يا بنت في يوم الزحام=عند رب يحيي عظام رميم
كل ما قلتيه يحضر بالتمام=وكل فعل من جديد ومن قديم
واقصرن عن قول وأفعال الحرام=واقصدن دروب جنات النعيم
العمر يا بنت لو طال بسلام=لجنة الفردوس وإلا للجحيم
التعليق