Tweet
فــديــتــك
فديتك! ليه تجفاني ؟
وش اللي ضايقك مني؟
حفظتك وسط أجفاني
وجاك القلب مِتْعَنّي
و الأول كنت لا الثاني
وشعري فيك متغنّي
وطيفك ساكن أعياني
ولا ليله هجع عنّي
يهيّض جمرة اشجاني
يخيّب عقبها ظنّي
تجازيني بهجراني!!
وتمشي ما تودّعني؟!
كذا تِقفي وتنساني
ولا كنّك ولا كنّي
بقلبك كان عنواني
ومن كفّك نبع فنّي
بِكتني نغمة الحاني
وطول الصمت جنّني
عساك بخير يا الجاني
رجيتك بس طمّني!
ومهما تشعل احزاني
يهمني اتعيش متهنّي
التعليق