السعودة

[حنبكاوي مطور]

تحياتي لكم اخواني . وانا عارف ان الحديث عن السعوده قد يطول ويكثر والكلام كله عن السعوده حبر على ورق ... ولكن لو كان هناك لجان تتابع برنامج السعوده صدقوني المنطقة الشرقيه لوحدها راح تغطي جميع البطاله الي بالمملكه .. انا باذكر هنا قطاع واحد ربما لايكون فيه العذر لاي من المسؤلين او اي احد يقول السعوديين ما يقدرون يقومون بالعمل او يحتاج شهادات عاليه ..هل تدرون ان الموظفين في شركات بيع السيارات تصل رواتبهم الشهريه الى فوق العشرة الاف ريال في بعض الاشهر من العمولات وهؤلاء موظفي المبيعات بصالات البيع في اكثر الوكالات فيوجد بالشرقيه اكثر من 20 شركة موزع معتمد للسيارات وللاسف نجد بين موظفي المبيعات سعودي واحد او اثنين بالكثير وكذلك اقسام الصيانه بحيث تقتصر السعوده على التعقيب والتخليص والمدراء الكبار .. تصدقون فيه شركات تسوي عقود مع ارامكو وسكيكو وشركات اخرى كبيره تبيع عليها الاف السيارات تصدقون بعض الموظفين توصل عمولته في هالبيعه اكثر من 60 الف ريال .. واخر السنه ما شاء الله نلاقي كل شركه تحتفل وتتباهى بالجرايد انها كسبت في هالسنه 500 والثانيه 360 والثالثه 270 مليون ريال ... طيب هالملايين كلها جايبينها من ظهور المواطنين وذابحينهم بالاقساط الي ب 20الف يبيعونه علينا ب 80 الف لا وازيدكم من الشعر بيت ترى الدوله تعطيهم اعانه سنويه لشركات السيارات وتسوي لهم اجراءات واعفاءات من وزارة التجاره ومع ذلك ما يبون يوظفون سعوديين
وان تكلمنا عن شركات الجبيل فحدث ولا حرج .. تخيلوا سكرتير هندي
شهادته معهد بعد والله راتبه 6000الاف ريال غير السياره والسكن
وانا والله اقول كل هالكلام ابي بس المسؤلين يحسون ونبي نعرف وين الجهات المسؤله عن السعوده ويعني انهم ما يعرفون عن هالاشياء ...
ااتمنى تشاركوني بارائكم وماهي الحلول الي نقدر نوصلها للمسؤلين حتى نحل هالمشكله ...
انا اعرف يمكن كلكم راح تعتقدون اني اقول هالكلام لاني عاطل عن العمل او ابي عمل بس اقولكم انا والحمدلله والله موظف ومرتاح بس صعبه انك تشوف اجنبي في مكان مو مكانه واخوك او قريبك او ابن بلدك بالشارع وماهو قادر يبني حياته وهذا الشي من اكبر الانحرافات واضياع

[عاصم سحاري]

الله يعطيك العافية يا حنبكاوي مطور .
أنت تلامس فعلاً أشياء واقعية .

[Khalil Sahhari]

في الصميم أخي حنبكاوي مطور مشكور وفقك الله .