ثلاث ساعات أتصل مشغول ياخي ليه ؟ مدري تفاوض بوش وإلا بداية معرفه ؟

[متعاطف]

جت ثايره متوترة و قلت الحلـو زعـلان ليـه"
"الله يجازيهـم حــرام يزعـلـون المتـرفـه

رفعت حواجبها وزمت رمشهـا والمـوت فيـه"
"قالت بكيفـي والسبـب ماهـو بـلازم تعرفـه

شي ما يخصك اتركني في حالي الحزن اشتهيـه"
"احد اشتكى لك؟ يووه يا بعض الخلايـق ملقفـه

قلت انتي لو ما تشتكيـن الهـم قلبـي يشتكيـه"
"من يوم اشوف الحزن من تحت الرموش المورفه

وشلون ما تبغيني اسـأل ليـه همـك تحمليـه"
"وانـا ابتهاجاتـي علـى نفسيـتـك متوقـفـه

زود انفعالاتـك يؤثـر بانفعـالاتـي واتـيـه"
"تأثير يتناسب تناسب طـردي ابنفـس الصفـه

لو اعـرف اللـي زعلـك والله لاأخذلك حقــك وأجيه"
"وإلا يجي لك يعتذر غصبـاً عـن اللـي خلفـه

قالت على بالك تنكت؟؟ يا برودك يييييييه ييـه"
"احر ما عندي هو ابـرد شـي عنـدك واللطفـه

قلبتها ليه فيزياء وانـا احسـب انـك سيبويـه"
"اقول لـك حـره وبرضـك ماتترك الفلسفـه

مدري انت تستغبي معي وإلا مسوي لي نبيـه؟"
"وإلا انت فاكرنـي لهـذا الحـد انـا متخلفـه؟

لا لا حبيبي مو بنا اللـي يخدعـه مـا تدعيـه"
"مبروم ما يفتـل علـى مبـروم لعبـك بكشفـه

تقتل قتيلك ثـم تمشـي فـي الجنـازه تقتفيـه"
"من يوم آعرفك وانت ما تتـرك معـاي اللفلفـه

قلت اذكري الرحمن واعطيني سبب واحد وجيه"
"يعـطـيـك حق انـك تدينينـي لـو انـك منصفـه

قالت لي اسأل نفسك وش سويت بالحب النزيـه"
"منهو الذي مشغـول جوالـه ودمـي استنزفـه؟

ثلاث ساعات اتصل مشغـول يـا (خـي) ولـيـه"
"مدري تفاوض بوش وإلا انهـا بدايـة معرفـه

طبعاً مطنشني وداخـل جـو لكـن وش عليـه"
"مانـي بزعلانـه علـى شانـك وإلا متحسفـه

ليه الحسايـف دام قلبـك بـاع قلبـاً مشتريـه"
"إلا خسـاره فيـك دمعـاً فـي غيابـك بذرفـه

قامت وراحت واتركتني قلت معـذاري اسمعيـه"
"زمت شفايفها ولفحـت شعرهـا فـي عجرفـه

لحقتها قلت افهمي الموضـوع قالـت مـا ابيـه"
"قلت انتي حره واتركتني آآآآآآه ياهـي مجحفـه

اسبوع يا (الـظـالـمـه) لا زادي ولا النـوم اهتنيـه"
"احب هالمجنونـه اللـي فـي عذابـي مسرفـه

من يوم راحت والسوالـف كلهـا لهجـة سفيـه"
"وذكرياتـي لأجـل يسكـت كلهـا تستحلـفـه

والوقت باسط كـف قابض كف يفرك فـي يديـه"
"له عين يتشمت وانا اللي كنت بالضحـك اتلهـفـه

ان كان مر اسبوع ما جاني اتصـالاً محتريـه"
"بـطـلـبـك يا (الـقـلـب) خدمـه كـان مـا فيـه اكلفـه

اطلع شـهـار وقول عندي شخص ربـي مبتليـه"
"واحجز سريراً زين في غرفه فسيحـه مشرفـه

ومر وصلنـي عسـى الله لا يهينـك يالوجيـه"
"تلقاني اتحـراك لابـس ثـوب نـوم ومنشفـه

منقول

[محمد اليحيى]

ياهلا بالمسك وأهله
وفعلاً يا متعاطف
نورت

[جارة الوادي]

الله ابداع وروعه
نقل فكاهي راايق حيل
يعطيك العافيه

[متعاطف]

محمد اليحيى

جارة الوادي
شكـــــــرا لمروركمـــــا الرائــــع والجميـــــــــــل