Tweet
انا شفت العجب في سوق بنده يوم جيت عصير
مواقف تحزن الرجال وتزيد الهموم هموم
مناظر مخجله يالله ياسامع دعاي .تجير
اجل كيف الرجل تمشي عليه من الحريم علوم
رجل مع زوجته واقف وهي في مظهر التخصير
تطاردها عيون كنها طير الجراد يحوم
عليها عين تسحر من نظر.نظره بلا تبرير
ولاظن الجمال إلا صناعي والهدب مرسوم
حلاها لاحلاها الله تزيله ليفة التطهير
شفاه مورده.مكياجها فوق الوجن مركوم
وضع ملفت وضع مزري وضع ماله معي تفسير
وضع لادين يرضابه ولاحتى رضته سلوم
يناظر زوجها في العالم اللي تلتفت وتشير
يحاكيها يقول العالم اشفيهم علينا اليوم
خساره قولة الرجال .مثله كفوه التحقير
ترى كلمة رجل صعبه تقال لإمعه ورخوم
التعليق