Tweet
تسأليني من انا ؟
آنا ياعمري احاسيس ومشاعر
ضيف في عالم مسافر
معظم احلامي كلام ٍ في ورق!
ضايع ٍ بين الدفاتر..
وآتلفت عن يمين وعن شمال..
كني اللي في سماء دنياه طاير
وساع من كثر الألم
في عيوني ، تلتقين إنسان حاير..
آنا ياعمري بقايا ذكريات
كان لي بعض الصفات!
وكنت واهم ،
كانت الذكرى ألم
والجرح ظالم
من يفك الليل من ذيك الطلاسم!!
من يلملم من شتات
آخر احزاني
وآلامي
ويصنع امنيات
من يغامر ؟؟
ذيك دمعه
هايمه فوق الخدود
وذيك نظره حايره
كل ماراحت تعود
كنّها في خوف من هذا الوجود !
وذاك هم ُ وحظ عاثر
وفكر تايه
في طريق الحزن ساير
وقلب يرجف من زمانه
وجرح غاير..
تسأليني من انا ؟
طالعي عيني بتلقين الجواب
آنا رحله من عذاااب
ابتدت ثم انتهت في عالمك!
آآآآه ليتك تعرفين
كنت متعذّب وصابر
والأمل كان بعيونك
في عيونك كنت اشوف احلام باكر
كنت اشوف الحب
ماله اي آخـــر...
كنت اظنه حب اصدق من زماني
كنت اظنه حب طاهر...
وانتهت رحلة غرامي
وابتدت رحلة عذابي
وكنت اكثر شخص خاسر
والنتيجه ؟؟؟
الف صفر ٍ ع الشمال
والف جرح بقلب شاعر .....
=====================
مدونات قديمة
=====================
مدونات قديمة
التعليق