الولد لا طاب طيبه من خواله

[Jathmi]

الولد لاطاب طيبه من خواله..

الصبي وان طاب طيبه من خواله... وان تردى فـعلم انهم خايبينـي
أشرب الفنجـال واكـب البيالـة... طيـبٍ واحـب سلـم الطيبينـي

[[[السلام عليكم ورحمة الله وبركاته ]]]

من لا يعرف .. هذين البيتين .. بيتين اشهر من نار على علم ..

قد يجهل البعض قائلهما .. ولكن اكيد سمع بالبيتين من قبل ..

حتى اصبح مضرب مثل يتداوله كثير من الناس ..

قائل هذين البيتين ..

الشاعر / راشد بن حسن بن مانع بن رحيان الضاعني الملقب بــ ( ابن الذيب ) ..والد الشاعر محمد ابن الذيب

وقيل انه توفي عام 1986م وهو في نجران وكان شايل معه شخص موصله الى قرية في نجران وحصل عليهم حادث وتوفي رحمه الله ..

راشد بن حسن .. كان يشتغل في شركة ارامكوا السعوديه .. وكان يملك سيارة الشركه ( جمس ارامكوا ) ..

وكان كل ما شاف له رجلي والا طرقي على الخط يبي احد يوصله يقوم ابن الذيب ويوصله بدون مقابل .. على سيارة الشركه ..

حتى اشتهر عند البدوان .. لا جا احد يبي يروح مكان ولا عنده مطيه والا موتر .. يمشي في طريقه ويقول عسا يلقاني ( ابن الذيب ) على الطريق والا انا القاه ..

ويشيلني ويوديني للمكان اللي انا ابيه .. حتى قاموا الناس يطرونه ويحكون فيه وهم لا يعرفونه ولا قد شافوه ..

جاء يوم من الايام الا عجوز وعندها غنم شوي تعد على الاصابع .. و ( راشد بن حسن ) .. كان مشغول ومتأخر على الدوام شوي ..

وشاف العجوز وشاف معها غنم تعداها وهملها .. عقب حزت في خاطره واستحى وراعي الطيب ما يجوز عن طيبه وقف الموتر ورجع للعجوز ..

يوم جاها قالها يا مره انا ابشيلك وبوديك المحل اللي تبينه لكن بدون غنمك .. انا متأخر على الدوام واخاف غنمك تأخرني زياده ..

قالت له العجوز .. خلاص رح الله يستر عليك يا ولدي ..

انا جالسه هنا انتظر ( ابن الذيب ) ..

هو اللي بيجيب العلم وبيوصلني المكان اللي انا ابيه انا وغنمي .. وهي ما تعرفه .. ولا تدري انه ( ابن الذيب ) .. هو نفسه اللي هي تكلمه ..

يوم انصدم ( راشد بن حسن ) بقولها .. وتعجب !!

قال اركبي يا خاله انا ( ابن الذيب ) وابشري بعزك ..

ابوصلك انتي وغنمك ..

وكانت انظمة ارامكو تمنع السائقين ان يشيلو الرجليه اللي يوقفون السواقين ويطلبونهم توصيلهم على طريقهم .. وشلون توصيل الغنم ؟؟؟؟؟

حتى وصل علم .. لشركه بفعل ( راشد بن حسن ) .. وهدد بالفصل من الشركه اكثر من مره .. وبعض رؤساءه يأسوا من المحاوله معه .. واعجبتهم شهامته ..

وصل العجوز إلى منصاها والمكان اللي تبيه ..

وقال هذى القصيده .

قالهـا ابـن الذيـب مـن هاجـوس بالـه

................................كلـمـةٍ يـلـعـب بـهــا والـبــال زيـنـي

قـالـهــا يــومــه طــرالــه مـاطــرالــه

................................مـن هواجـيـسٍ تشـيـب المرضعيـنـي

حـالـفٍ مـاخـذ عـلـى الطـرقـي ريـالـه

................................وبـالـثـلاث مـحــرم أنــــه مايـجـيـنـي

لالقيـت اللـي علـى ( السكـه ) لحالـه

................................يلـتـفـت ويـقــول ويـــن المستحـيـنـي

أوقـف المـوتـر حـيـا وأبــي الجمـالـه

................................يــوم ولــد الــلاش وجـهــه مايلـيـنـي

الطـمـع فــي كــروة الرجـلـي رذالـــة

.................................خـص وان جـابـه مـجـال الغانميـنـي

والــردي فــي حـالـةٍ مـاهــي بـحـالـه

................................واعـويـنــه مــــن كــــلام الطيـبـيـنـي

الـــردي لـــو بـــان مـايـذكـر عـمـالـه

................................مـايـعـد الـــلاش مـقـصـور اليمـيـنـي

أركـبــه لـعـيـون مـــن زيـــنٍ دلالــــه

................................ماتـحـاكـوا فـــي قـفــاه الرامـسـيـنـي

مابـغـى غـيـري وانــا مابـغـى بـدالـه

.................................قـاعــدٍ لـــي بـالـرجـا مـــدة سنـيـنـي

الصبـي وان طـاب طيبـه مـن خوالـه

................................بـالـخـوال يــســال قــبــل الـوالـديـنـي

أشـــرب الفـنـجـال واكــــب الـبـيـالـة

................................تــابــعٍ سـلـمــي ســلــوم الأولـيــنــي

ولاقـعـدنــا بـالـعـمـل بــنــا الــرزالـــة

.................................نـاخــذ العـلـيـا طــريــق الفـايـزيـنـي

غـرنـي بـعـض الـرجـال بكـثـر مـالــه

................................مادرى ان المـوت فـي حبـل الوتينـي

كيـف ينفعنـي وابـا(..........) خـالـه

................................مايـقـوم البـيـت دام الـسـاس طـيـنـي

مـاش ويــن الـلـي عـوايـده الجمـالـة

.................................مثـل ابـن ظافـر حـمـد ليـتـه يجيـنـي

الـثـنـا والـجــود دايـــم فـــي خـيـالــه

................................عـلـمــه ظــافــر ســلــوم الطـيـبـيـنـي

جـــــوّد الـعـلـيــا ولـزمّــهــا عـيــالــه

................................وادركــوا مــن علمـتـه دنـيـا وديـنـي

واهنـي مـن بـاع حظـه واشتـرى لــه

................................وسار في درب النبي وأخزى اللعيني

مـوقــفــه مــاكـــل رجــــــال يــنــالــه

................................مــن بـغـى مـمـشـاه يـقـعـد مرتـيـنـي

كـم ذبـح مـن حـايـلٍ مــن حــر مـالـه

................................وعـادتـه لـطـمـة خـشــوم العايلـيـنـي

منقول

[محمد اليحيى]

جميل جداً وشكراً أبو مالك وفقك الله

[الخفوق]

رائعه يابو مالك

وياحاجتنا هلايام لاهل الشهامه

لكل مجالات الحياه

[Jathmi]

اشكر مروركم
ابو تركي - الخفوق
حقيقة اليوم يشوفك الواحد متعطل والا ماعندك سيارة وعارفك ويسوي روحه ماشافك
شكرا مجددا

[عُروب]

ابيات جد.... رائعه
بل جميله ....

*
*
*
*
*
*
*
*
*
*
*
*
*
*
*
*
*
*
*
*
*
*
*

وفيها من النصائح والحكم ...

*
*
*
*
*
*
*
*
طبعاً الكلام اللي سبق للابيات
التي ساشارك بها ...
هناء ..
بعد اذنك صاحب المطرح

*
*
*
*
*
*
*
*
*
*
*
*
*
*

دوس المخاطر ولا تخشى عواقبها***الموت واحد ولاعند القدر جالي

ترا المنيه اذا مست مخالبها*** تدرك لو كنت في جو السما العالي

------------------------------

آن كثر مالك كبروا به جلالك***جماعة بالخير كلٍ ايمسيك

وان قل ماتلقى رفيق صفالك***خلانك اللي من قديم جفوا فيك

-------------------------------------

كم واحد ٍ له غايه ما هرجها*** يكنها لو هو للا دنين محتاج

يخاف من عوجاً طوال عواجها*** هرجت قفا يركض بها كل هراج

----------------------------

لاخاب ضني بالرفيق الموالي***مالي مشاريه على نايد الناس

ولعل قصرٍ ما يجيله اظلالي***ينهد من عالي مبانيه للساس

------------------------

وبنت الردي حذراك حذراك تعجبك***واحذر تصير لمثل هاذي حليلي

وعن ما يعيب النسل عرب مناسبك***وعليك في بنت الحصان الأصيلي

-------------------------------------------

الايام ما باقي بها كثر ما مضى ***والأعمار ماللي فات منها بعايد

نعد الليالي والليالي تعدنا ***والأعمار تفنى والليالي بزايد

--------------------------------------

الأجواد مثل العد من ورده ارتوى***والأنذال لا تسقى ولا ينسقى بها

الأجواد تجعل نيلها دون عرضها***والأنذال تجعل نيلها في رقابها

-------------------------------------

وربعك اليا بان الخلل فيك عافوك***اقرب قريبٍ لك من الناس يشناك

آن كثر مالك اصدقولك وطاعوك***وان قل ما بيدك شانت حلاياك

--------------------------------

اليا نويت احذر تعلم بطاريك***كم واحد تبغي منه العرف واغواك

وحذراك عن طرد المقفي حذاريك***عليك بالمقبل واترك اللي تعداك

-------------------------------------

وقت شبابه تختلف فيه الانظار***قليل منهم من يسد النوايب

يوم اكبروا وصار في الوقت ما صار*** كل جلب لبوه مر المصايب

----------------------------

من جالس الاشرار ولو كان طيب***عيب مجيه عندهم وجلسانه

ومن جالس الأخيار يكسب فوايد***ويكفيه عرضه بينهم وانشرانه

------------------------------------

اضرب طريق الخير واسلك مسيره ***ولا تلتفت للناس عوجاة واقداة

ولو طال عمرك عارف وش مصيرك ***ازبن ولي العرش واتعب على ارضاه

-----------------------------------

واين الملوك اللي لهم خيل واركاب ***ناخت لهم غبر الليالي جملها

واهل التكاثر والتفاخر بالانساب***دارت رحى الدنيا عليهم عجلها

-----------------------------------------------

راعي المعاصي حياته لا تغركم***ترا علته يحتار فيها طبيبها

وترا من عصى شور والديه خاين***في النار والدنيا تبين بيعيبها

---------------------------------------------------