تشوف الشوق بعيوني

[محمد اليحيى]

حبيبي نام ياعمري
على صدري وصارحني
وفض الصمت باحساسك
وخل الحب لي يجري

وفضفض لي بعد عمري
وعاتبني وفهمني
أنا اطري على بالك
كثر ما أنته علي تطري

تعال أقرب من أحضاني
ترى خدك مواعدني
يبي يلامس شغف روحي
ويقطف بوحي من شعري

تعال أنثر هنا ليلك
وخل ويلك يولعني
أنا أحبك وأبي قربك
ترى مني قضى صبري

أنا نبضك
زهر أرضك
وأنت ؟! ايه تملكني
بنحل خصرك ,,
جمر ثغرك
وزود بلونك الخمري

تتوهني بغرقني
ومن بردك تدثرني
وتبكي لي
وتشكي لي
وله قلبك
ومن سحري

أبي دموعك
مع أنفاسك
بصدق الود
تحرقني
وأبي عطرك
مع سحرك
وأهك بالحشا تسري

أبي همسك يبعثرني غلا
ولمسك يلملمني
وأبي عيونك من عيوني تذوب
من الولع كثري

وأبي عهدك
مع وعدك
وأبي كلك تسلمني

وتحييني بـ هلا شوقك
حلا ذوقك يشتتني
يلوعني
و
يأسرني
ويملك بالغلا فكري

ابي أيدك تسافر بي
وزهر قدك يلحفني
وأهيم بعالمك عاشق
جنوني أنت
وانت بي تدري

تشوف الجمر بعيوني
تشوف الشوق جنني
اجل تدري
مثل ما ادري
بأنك حلمي يابدري

حبيبي
قوم وصارحني
عن احساسك
وعلمني
أنا أطري على بالك
كثر ما أنته علي تطري
---------------------------
منقول

[يحيى الحربي]

منقول رائع شكرا اخي محمد اليحيى

[محمد اليحيى]

شكراً لمرورك عزيزي يحيى الحربي

[الخفوق]

الله عليك يابو تركي


تسلم يالغالي على الكلمات الحلوه

[غزال الوادي]

واللة جميلة القصيدة وحلوة ياابوتركي تسلم ويعطيك الف عافية
مع ودي وتقديري

[الساري 2]

ابو تكري يعطيك الف عافيه يالغلا علا هذه الكلمات الاكثر من رائعه
والتي لانملك امامها الا رفع القبعات احتراما لذائقتك البديعه والجميله
ليس من الغريب ان يكون وراء هذا الاختيار الجميل والرائع
شخص في سمو عاطفتك ووجدانك وشاعريتك ..

تقبل مروري,