ماني في ثوبك زرار تزره

[متعاطف]

لاواعذابي منك يوم الزمـن جـار
ابي المسّره .. والحصيل المضّـره

مدري وراك اتبّـدل الـدار بالـدار
والا تبي قطـع المواصيـل مـرّه

ان كان يوم اقفيت في حالتي بّـار
في ذمتـي مانتـه بويـا المبـرّه

وان كان عذرك قدّر الله وماصـار
مانيب لـ.. المقفين تبّـاع جـرّه

والله لـ.. أجنّب واتّعرض للاقـدار
وعلمي يجيك مْع النجوع وتحّـره

لو ان لك حشمه وقيمـه ومقـدار
مانيـب فـي ثوبـك زرار ٍ تـزرّه

اللي دعاك اتّواجه الصد بـ.. اعذار
يعطيك من خيـره ويكفيـك شـرّه

الا الكرامه لا دعا الماقف الحـار
تراني اسمى من نجـوم المجـرّه

يموت حبك عقـب ماجالـه ادوار
حتى ايش لو بين الحنايـا مقـرّه

ولو تشتهيك العين وتمـد الانظـار
والله لا احـط الملـح فيهـا واذرّه

وذاك المكان اللي لنا فيـه تذكـار
ليتـك تجّنـب سكتـه لاتـمـرّه

لا اليوم مابانت تفاصيـل الاخبـار
حتى يجي للخيـل فالكـون كـرّه

انا سكّت امرار وامـرار وامـرار
واقصّير هلاله ورى هـلال غـرّه

الحين طف النار والا اشعل النـار
وانته على مشهاك .. والنفس حرّه
/
/
/

للشاعر : مشعان البراق

[جابر الجذمي]

قصيدة رائعة
وموزونة 100%
مشكور يا متعاطف

[محمد اليحيى]

شكراً اخي متعاطف
قصيدة جميلة لشاعر جميل

[غزال الوادي]

قصيدة جميلة أخي متعاطف ورايعة
وأنت مبدع ورايع يعطيك العافية

[Otaifi]

صح لسانه وبارك الله فيك

[متعاطف]

الهداف
محمد اليحيى
غزال الوادي
عطيفي

شكرا لمروركم الرائع والجميل