Tweet
نيـل المعانـي ماتـجـي بالتمـنـي
والمدح هو والقدح مايصنـع أمجـاد
نتجاهـل التقصيـر مـنـك ومـنـي
ونسخر من القاده ونفخـر بالاجـداد
كـل ٍ علـى تاريـخ جـده يغـنـي
ملت مضارب عبس مدح ابـن شـداد
لانعفـي انفسنـا بدعـوى التجـنـي
حق الوطن واجب جماعـات وافـراد
ان ما قتلـت الوقـت سيفـه قتلنـي
اربط حزامك واصنع أيامـك اجـداد
إن كـان ماتعمـر وتـزرع وتجنـي
عيشك مهدد وانـت تستـورد الـزاد
كل الحرف حاربتهـا حـرب ظنـي
وكـل المهـن عاتـب عليهـا ونقـاد
مـادام مافيـنـا مهـنـدس وفـنـي
لا الوقـت صحانـا ولا علمنـا فـاد
للغـرب هامـات الكواكـب تـدنـي
وحنـا رقدنـا ليـت للنـوم عــداد
مـن يمنـع العـدوان عنـك وعنـي
والاقوياء مصدر سلاحـك والاعتـاد
سلاح لـو هـو ضدهـم ماوصلنـي
وضد اسلحتهـم لـو شحنـاه مافـاد
لوفيـه قـوه ضـد قــوه تـرنـي
مااطبق عليه الصمت في قصر بغـداد
يـوم القذايـف بالثـوانـي تشـنـي
تهتـز مـن زلزالهـا شـم الاطـواد
واسـوار بغـداد العروبـه تـونـي
في لاهب ٍ يطلـق صواعـق ورعـاد
وقتل النسـا طبعـه وقتـل المسنـي
وهدم المنازل فـوق فلـذات الاكبـاد
عليـك يـادار الرشـيـد امتحـنـي
حزني ، وفي قلبي جراحات وانكـاد
أنـزف نهـر خـدي بيـدي وكنـي
مديت دجله والفـرات أكبـر امـداد
ماهو تخاذل ، وضعي اللـي خذلنـي
ودولـه لهـا العالـم يسيّـر وينقـاد
دولة تقـول لدولـة الصيـن صنّـي
اللـي بشرهـا ماتحصـا بـالاعـداد
واهل العراق أهل الثنـا يـوم أثنـي
عقب التلاحم صاروا ، اشتات واضداد
والقتل في شيعـي وكـردي وسنـي
والتفرقة تاقف علـى كـل مرصـاد
علـى مصايـب بعضهـا ماتحـنـي
على بعضها الغيـظ والبغـض وقـاد
ورغم الشقـاق الحـر مـا يستكنـي
والنصر قادم له مـع الحـق ميعـاد
والشمـس تشـرق والمنـي يهـنـي
لاتخاف ياتاريـخ حنـا أمـة الضـاد
منقول
التعليق