يا بوي ليه تبكي؟

[عاصم سحاري]

يابوي ليه تبكي كل ما شفتك وعينـك لـي ؛،؛
تخاف أموت يابوي ... وقبل الموت تبكيني

كفى يابوي لا تبكي وأنا موجود معك وحـي ؛،؛
أجل بعد الرحيل أشلون في قبري توطينـي

ابوي لو تموت الناس ماتسوى دموعـك ذي ؛،؛

[[<<قسم بالله يابوي لجل عينك شربـت الغـي ؛،؛]]
[جرعت الهم والحرمان وبحر الويل يسقينـي ]

تحملت السنين اللي طوتني في عذابي طـي ؛،؛
وصار الجمر بكفوفي .. وتحت أقدام رجليني

يابوي ماعلى عمري حسافه ولا بقى بي شي ؛،؛
ولكـن بطلبـك يابـوي تكفـى لا تخلينـي

[[[يابوي مابي غيرك يغسـل جثتـي بالمـاي ؛،؛ ]]]
وتكفى قبل لا أتكفن .. يابوي فكلـي عينـي

بأمر الله يمكن ألمحك وأرحل في عيني ضي ؛،؛
وودع وجهك الطاهر مع دنيـاي وسنينـي

وخل الناس تحملني وترفع راسي ورجلـي ؛،؛
وتأخذني على قبري وتكسب أجرهـا فينـي

وأذا جيت القبر يا بوي نزلني شوي شـوي ؛،؛
....ووجهنـي لبيـت الله .. وقبلـة المصلينـي ....

وحط الطين وأدفني وعز اللي يعـزي فـي ؛،؛
ثلاث أيام يابـوي .. يواسـوك المعزينـي

ورابع يوم يا بوي تذكر .. ضحكتي وعني ؛،؛
تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفـي ؛،؛
تجي يمي تصب الما..على وجهي وتصحيني

تذكر جرة الموال وصوت في حبالـه كـي ؛،؛
تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقي هـي ؛،؛
تذكر كم قصيدة خافيه مـا بينـك وبينـي

تذكر كل شي كان وأذكر يـوم انـا حـي؛،؛
ولكـن أسالـك بالله يابـوي لا تبكيـنـي

منقول
يُروى أنها للشاعر جابر الروقي العتيبي

[ابو تركي]

اخي عاصم شكرا على الكلمات المؤثرة
وصح لسانك ولسان قائلها

[عاصم سحاري]

أشكرك يا أخي أبو تركي ,, وفقك الله لكل خير .

[محمد اليحيى]

جبتها عالجرح وكنك ما دريت
رحم الله موتى المسلمين وادخلهم فسيح جناته
وشكراً أبو عبدالله وفقك الله

[عاصم سحاري]

مشكور يا محمد اليحيى لهذا المرور , وجزاك الله خيراً .

[متعاطف]

رائع اخ عاصم الله يعطيك العافيه

[عاصم سحاري]

أنت الأروع أخي متعاطف , وفقك الله .

[المقدام]

شكراً أخي عاصم على هذه المشاركة الجميلة

[Khalil Sahhari]

مشكور يا عاصم واسأل الله حسن الخاتمه لنا ولهم .

[عاصم سحاري]

العزيزين:

المقدام
خليل سحاري

أشكركما .