فضايح ليلة العمر

[Aramco]

احبتي الموضوع ومافية كل واحد يطلع المخبي والمستور ويتشجع ويحكي لنا موقف حصل لة في ليلة زواجة

وعشان اكون اول ضحية وتشجعون وتشغلون المامور

هذه قصتي

كنت جالس في الغرفة بنتظار شريكة العمر ام رانيا وانا اسمع الغطارف ( لولولولولولولولولو) قلبي يرقع وشتغلت النفاضة في جسمي والمكيف علي
اعلي برودة واخوكم معرق

المهم شوي لام العروس مدخلة الحرم المصون ومجلساها بجنبي وهاتك ياسرد من النصايحk:15 وانا اقول في صمت فكينا يكفينا مافينا
k:13
المهم خلصت النشرة ومسكت درب الباب

عاد اخوكم ناصح قلت ياولد لطف الجو وخلني ابعد توتر العروس وخوفها

المهم قمت اجيب نكتk:1 طبعا مستخف دمي واضحك والتفت للعروس ماحولك احد (صن)

لقطت بقايا الوجة والتفت الا وجنبي مصحف قرأن كريم تناولتة وقمت اقري
طبعا فاتح القرأن علي صورة يوسف واقري (قل اعوذ بربي الناس)

شوي والا العروس تصيح سلامات وش فيك اذكري الله ماعندك احد

ناديت علي امها وخبرتها بحالت بنتها التفتتk:2 وقالت حسبي الله عليك

قلت لا لا ياعمة لا تفهميني غلط k:17 والله مامديت يدي عليها بس الظاهر ان بنتك مسكونة

المهم قالت امها لازم نروح المستشفي

وطلع الصبح وانا بين تحاليل وتركيب مغذيات

طلع عندها انيميا حادة

[معاند جرح]

يــــــــــوم ســــعــــيد

عشان مااكذب الموقف اللي بحكيه مو لي بس كنت بطل في الفلم

نبدا من البدايه في يوم الاربعاء الموافق 25/6/1428 كنت مع اخي طبعا الليله ذ ي تسبق ليلة الزواح بيوم واحد اي ان موعد الزواج الخميس وانحن نتكلم عن الزواج ومشغولين ونفكر وهو يسوق السياره وقاعديقلي انت روح شرع السياره بكره قبل الزواج بساعه وقفها عند القصر..وفجاه من دون سبق انذار اعترض رصيف في منتصف الشارع الظاهر مالهم يومين مسوينه وعينك ماتشوف الاالفرامل وصوت التفحيط نجونا بعجوبه وسلمت السياره من حتى الخدوش الحمدالله... رجعا وقالي نام وانا بصحى الصبح اروح اشوف الذبايح مو لازم تجي معي قلت خلاص ..المهم اتصل عليا والساعه 9صبح الخميس مارديت شوي ارسل رساله وقال فيها انا في التوقيف جيب كرت الزواج وتعال الرجال قطع اشاره وسجنوه ياهو ياعالم انا عريس تكفون قلومادامك عريس لازم نقوم بل واجب ونعزمك عندا وطلعوه الدوريه وحجزو السياره ورحت وجبت الشايب وجبيت الكرت غصب فكوه الساع2 الظهر وطلعت السياره من الحجز.. تغدا العريس السعيد وع الحلاق جري طبعا ارسلنا واحد من الشباب يشوف الذبايح وهو في التوقيف...خرج من الحلاق والامور ماشيه كويس خخخخخخخخ حلو كويس..قبل الزفاف بساعه او بل الاحرى قبل العشاء بساعه رحت اخذت السياره وشرعتها ورد طبيعي وحركات ومعجون ذهبي وخلاص بوقف السياره عن الباب جمب القصر الاوذيك الاصوات القويه اكتشفت انها اصوات فرامل واشرد ماتشرد ويصدم سياره العريس امام عينه واعين المعازيم ويطيرها سيارة العريس مترين وراى لدرجه ان الشاسيه ان لوح..خرجت من السياره انظر لسياره فاذا هي متنفعشي اتصلت ام العروسه تسال عن اللي حصل في الصبح وتسالها كيف توقفت قال اقلك في مصيبه غيرها قال الظاهر اني بروح مشي انا وبنت لعش الزوجيه السياره بح....وجاء المرور ..ولكن تبرع احد المدعوين بسيارته للعريس وبعده اكملنا اليله السعيده بطرب ورقص من غير نفس...........شفتوا ان السحالي يجلبن المأسي...ادري طولت ..بس يسلموووووو ارمكو احمد ربك طلعت طلعت بقل الخساير ارمكوووو الله يديم السعاده عليك اخ ارمكو

[Jathmi]

هي في الحقيقة ليست فضايح على انها مواقف بنت كلب احيانا واحيانا لطيفة وطريفة

اخوكم في الله مرت عليه مواقف بس الحمد لله ماهي ليلة دخلة ولا ليلة خرجة

اول موقف بعد الملكة وجاء الشاهي والقهوة والمكسرات والحلويات واحط روحي اشرب شاهي واكل حلويات واختبصت علي الدنيا مدري من الفرحة مدري من الخجل

ثانيا
بعدها بايام كانت اجتماع عائلي مع وجود الاقارب بعد الملكة والجو مش ولا بد حار شوية
وتخبرون القرى زمان قبل دخول كهرباء العام مراوح وكيابل واسلاك مشى حالك
وقمت اتفلسف ( حكم اني كهربائي ) ابغى اشغل مروحة متحركة واوصلها بالفيش القديم الاسود وعينك ما تشوف الا رجولي وراسي تنتفض من الماس اثري مسكت على الخط الحار من ورا الفيش ولا اله الا الله ماعاد شفت احد

التفت الا والجميع سلامات سلامات والاهل قد حطت روحها تضحك بدل ماهي كانت خجلانة وراح الخجل من يومها

[محمد اليحيى]

هنيئاً لك أبو رانيا هذا الموقف الذي أثبت لشريكتك مدى الوفاء ( أسعدكما الله )
ويا أبو مالك الظاهر ان السلك نفظك وانت تسترق النظرات لشركة عمرك فوضعت يدك على الحار ( حفظكما الله لبعضكما )
وأما أنت يا معاند جرح أعان الله أخيك فيلم من الرعب كفاكم الله الشر وعقبالك (( تتزوج مو تصدم ))

أما أنا فسأطرح لكم موقف ( بس لاتكثرون ضحك ) لن أنساه ففي ليلة العمر وبعد معاناة طول النهار من طلبات أمي حفظها الله وبعد عمليات صبغ وتشييك وتلميح وضرب بولش جاء وقت الذهاب الى قاعة الأفراح وبدأت تدق ساعة الصفر ( بتعريفنا العسكري البحت ) وبدأ تجهيز العريس ( أنا ) وبدأت باللبس وعند اكتمال كل شيء خرجت لاخواني وبعض الزملاء الذين أصروا على مرافقتي الى القاعة وهذا يضحك وذاك يقيس ضغطي بالطريقة البدائية وهذا يقول ارفع العقال وهذا يقول يا طويل فيه قصار في الصالة انتبه لا يطيح عقالك ومن هذا الكلام ..
المهم وصلنا بحفظ الرحمن الى القاعة وأخذت موقعي في القاعة وبدأ المهنئون بالسلام والتبريك والتنكيت على العريس المسكين ( أنا ) وفي هذه اللحظات وبين شد وجذب وابتسامة عابرة لذلك الأخ الجالس والصديق الذي يؤدي دور الواجب في استقبال الضيوف الا والبيجر يدق ( على أيامنا مافيه جوال ) وأشاهد الرقم الا وهو رقم العمل تجاهلت للمرة الأولى ولكن زادت الرنات مرة والثانية والثالثة ( ما الذي حصل ) والمرة الأخير يظهر لي على شاشة البيجر رقم التلفون المباشر لرئيسنا في العمل .
لقد وجب علي الاتصال الآن وأشرت لأحد الزملاء القابع أمامي فأتاني فقلت له ابحث لي عن تلفون في هذه القاعة فغاب قليلاً ولم يلبث أن جاء وأشار لي فاستأذنت من الموجودين سأذهب الى دورة المياة ( أكرمكم الله ) وذهبت وكلي اشمئزاز من هذه المكالمة وبالفعل وصلت الى التلفون وأتصلت على الرئيس ومن أول رنة ردً علي بصوته المتهدج وسلم علي وقال هل أنت بعيد فقلت له ( طال عمرك أنا في القاعة الليلة زواجي كما تعلم والفال لك ان شاء الله ) فقال ألف مبروك ولكن أحببت أن أبلغك بأنه يجب علي أنا وأنت بعد نصف ساعة نكون في المطار لأنه وصلني فاكس بالذهاب فوراً الى مدينة الرياض وجاء اسمك في الفاكس فعذراً لن أستطيع تغييرك فلن أتحمل مسئولية ذلك .
حينها ضاقت علي الأرض بمارحبت يا رجل أنا في القاعة وزواجي الليلة والمعازيم وخلافه فقال ( والله يا ولدي مقدر كل ذلك ولكن تعرف لا أنا ولا أنت تستطيع تغيير شيء والطائرة ستقلع بعد نصف ساعة وأنا الآن متوجه الى المطار وأتمنى أن أجدك سبقتني ) وأقفل الخط فوراً ..................
تغير وجهتي وخلعت الشماغ لشدة حرارة رأسي ونظرت في وجه زميلي وقال لي مابك ؟؟؟
فأخبرته بكل مادار بيني وبين رئيسنا في العمل فقهقه حتى سمعت المنطقة الشرقية بأكملها ولولا محبتي له لضربته حتى يتبدل ضحكه بكاءً ...
فقاطعته وقلت له دعنا نفكر بشيء سريع لحل المسألة ...
وجدتها أنا سأبلغ أمي بتجهيز العروسة للزفة وسأخبر أخاها بأن يقود هو السيارة وسأخبره بكل شيء فيوصلني للمطار ومن ثم يوصل العروسة التعيسة الى بيت والدي وسأخبر امي بانتظارها هناك وسأخبرها بما حصل ...
ولكن الساعة الآن الثامنة وهل هناك زفة الآن وحتى المدعوين لم يكتملوا قلت له ماذا افعل التأخر عن المهمة ممنوع وجناية والرحيل من القاعة باكراً فضيحة وعيب من المدعوين ووالله دقائق صعبة الا والبيجر الملعون يدق مرة أخرى انه رئيس السعادة يااااالله هل هناك هم آخر واتصلت به على مضض وبمجرد أن رفع التلفون الا وهو يقول اين أنت فأخبرته بأنها نصف ساعة وسأكون في المطار وربنا المستعان من النوم بجوار العروسة الى النوم بجوار أكبر مشخر في الشرق الأوسط ....
وحينها قاطع كلامي وقال يا ولدي الله يسعدك ويبارك لك انتظرني حيث أنت فأنا كلها نصف ساعة يكتمل الأخوة رؤساء الأقسام وسنحضر لك جميعاً في القاعة لا يوجد مهمة ولا فاكس ولا مطار كل مافي الأمر أني أحببت أن أداعبك قليلاً فقلت له بكل صوتي والله فقال نعم مجرد مقلب اقترحه علي زملائك فأحببت أن أضعك فيه على العموم أنا جاي في الطريق ......
فحينها أحسست أن جبل انزاح من على رأسي وضحكت بكل قوتي واستلمت الزملاء بأنواع الشتائم والسب وبالفعل حضر ذلك الرئيس الجميل بمواقفه الذي يحب أن يداعب مرئوسيه بأفلام الرعب ولكنه محبوب .......
والحمدلله انقضت تلك الليلة بفرحها ومواقفها الجميلة ........

ووينكم يا شباب يالله طلعوا مواقفكم خلونا نضحك شوي الله يسعد قلوبكم