محاوره طريفه بين جيلين

[عُروب]

جمعت بين الشاعر ضيدان بن صبحان اللزيزي العجمي ( الشايب )

و الشاعر سعد بن عبدالله بن حسين الهتلاني العجمي - رحمه الله ( الشاب )

صداقة مميزة رغم فارق السن الكبير بينهما إذ كان المرحوم سعد شابا
ً
بعكس صديقه المسن ضيدان , وحصل بين الشاعرين رديات كثيرة تمتاز

في الغالب بالطرفة حيث يحاول كلاً منهم إغاضة الآخرفي إطار من المزح الود

1-(( شاهي وحليب )) :-

- ضيدان :

تطلب لي الشاهي وتطلب لك الحليب
**************وانا على الحليـب كبـدي ذايبـه
انا احمد الله يوم ما انت بلي نسيب
***************يقطـع صبـيً مـا يقـدر شايبـه

: سعــــــد

قم اطلب لنفسك ترى مانت بغريب
************ولاني بطالب لك ولانـب بجايبـه
تبغى الكفيا يوم طريت المشيـب
*************واتعبتني مثـل الوزيـر ونايبـه

-فـقـال ضـيـدان :

في خوة الطيب انا مالي نصيب
***********ومن خوة الرديان نفسي طايبه
قد كان ظني فيك للعله يطيـب
***********والاريا بها مخطي وفيها صايبه

وكان رد سعد الأخير :

كل يبي يرمي رفيقه فـي القليـب
************وابليـس نـوخ عندنـا ركايبـه
وعلمته الممشى سبقني في الخبيب
***************اللـي علومـه كلبوهـا خايـبـه

يتبـــــــــــــــk:40 ـــــــــــــــع

[عُروب]

تاااااابع

2 -(( الخط السريع )) :-

بعد ان باع ضيدان التاكسي الذي كان يملكها راى زبون واقفاً
في الطريق فقال لسعد الذي كان يقود السيارة طالباً منه التوقف
وتوصيل الزبون :

ضيدان :

اللي يلوح لك على الخط السريـع
********الظاهر انه يا سعـد مـن ربعنـا
وقف ترى المعروف عمره مايضيع
********خلاّية الرجلي مهـي مـن طبعنـا

رد سعد :

هذي سواتك قبل للتكسي تبيع
*******من لا يعرفك يبتلش في وضعنا
صاحبك هذا وقفته وقفة خليع
*******حنا على الشارع وريخه نشعنا

رد ضيدان :

خله ونرجع له الى طاح الربيـع
********ذا عرضته يمكن تفرق جمعنـا
حنا ما صدقنا ان حن ناتي جميع
********وشفنا تهاوشنا وهو ما سمعنـا

رد سعد:

طوفت لك هذي وحلم الله وسيع
*********ياللي نحاول للمشاكـل دفعنـا
لا تنفضح طعني وسرك لا يذيع
***********هذا وشكله مـا ينالـه نفعنـا

يتبــــــــــk:40 ــــــــــــــــع

[عُروب]

تااااااااابع

3- (( الطيور الحايمة )) :

جاء ضيدان الى صديقه سعد وقد احس ان عنده ثروة يخبئها في البنوك فباده قائلاً

- ضيدان :

عطنا من اللي ياسعد ربي عطـاك
*******عندك فلوس في البنوك و نايمـه
وانا رفيقك دايـمٍ و امشـي وراك
*******وما ادري متى تمطر سماك الغايمه

- فرد سعد :

اللي عطاني خير بالشحذه بلاك
**********هذي عطايا الله وذي قسايمـه
يومك حسود وتو مابين رداك
**********ما عندنا لك ما يفطر صايمـه

فرد عليه ضيدان :

أظن من زارك ببيتك ما نساك
********ولا أظن مثلك تنسي قدايمـه
يا رجل فكر زين والرب يهداك
********عزم ترى الرجال من عزايمه

رد سعد :

تعش عندي جعل ما تاكل عشاك
*********عسى تعشاك الطيـور الحايمـه
واللي لنا جابك عسى يقطع مداك
**********واللي يبي فرقاك محـدٍ لايمـه

وانهى ضيدان المحاورة بالقول :

لا تحسب انا قاعدين في رجاك
********وعاد الجمل يمشي على قوايمه
يالله يالمعبود جارك ودخـلاك
*********راحت خسارة ذا الصبي تمايمه

________________________________________

- (( الـقـدوع )) : -

الشاعر ضيدان بن صبحان :

جاك المسير ما لقى منك ترحيـب
******لا جبت له قهوه ولا من قدوعـى
يا ليتنى دورت غيـرك معازيـب
******جايك جويع واروح منك بجوعـى
الظاهر انك ما تعرف المواجيـب
*******اكيد طبعك يختلف عن طبوعـى
حنا لجانا الضيف ننفض له الجيب
******ونجيب له من كل شكلٍ ونوعـى
عاداتنا والرزق من عالم الغيـب
*******هذا وانا ابخل واحدٍ من ربوعـى

فرد عليه سعد أبن حسين :

اقدع عسى يقدع على راسك الذيب
********فى خايعٍ مابه من النـاس دوعـى
متعطلٍ فـى البـر قبلـى تناقيـب
********من ليلة الجمعه ليـوم الربوعـى
ومروك ناسٍ غايبٍ عنهم الطيـب
********وخلوك وحدك فى مكـانٍ يروعـى
ثم جاك ذيب ما سنونـه بتركيـب
*********ذيب ولد ذيب وشـرس قطوعـى
وسوابك سواةٍ على غير ترتيـب
********يجزع لها قلب الشجاع البتوعـى
مرحوم يا عودٍ كسى راسه الشيب
**********هنديته تـذرف عليـه الدموعـى

منقوk:40وووووووووk:40 ووووووووول

[عاصم سحاري]

ما شاء الله
رعاك الله يا قايد الريم

موضوع رائع جداً

[محمد اليحيى]

ما شاء الله تبارك الله
تواجد فعال لأختي قايد الريم
ونشاط منقطع النظير .
رااااااااااااااااااااااااائع
ووفقك الله وننتظر المزيد

[عُروب]

عاصم**اخي محمد اليحيى
شكراً للدعم وفقكما الله