Tweet
العرس هم وغم ودين وفاقه
العرس هم وغم دين وفـــــــاقه
تبدا غرابيله بيوم العلاقه
كتب الكتاب اسمه مراسيم الاغلال
عند المهر تجي العلوم الدقاقه
فوق المهر مطلبها بيت بالحــــــال
وتقول ياحبي عشقتك عشاقه
مع كسوتي لاتهمل العم والخـــــال
واحرص على جسمك بزود الرشاقه
حتى تصير بعيني اليوم رجــــــــال
واختر لنا قصر جديد ارواقه
وبوفيه مفتوح على كل الاحـــــوال
ماودي افشل بين كل الرفاقه
اطلب حلى ومن الفطاير جيب اشكال
وكرت الزواج ابغاه ذوق واناقه
خله يوجه مانبي القيل والقـــــــــال
واكتب بخط واضح بالبطاقه
ممنوع ممنوع اصطحابك للاطفــــال
ويوم الزواج نشوف خزي وصفاقه
الصدر عاري واحسن الشر بنطـــال
مات الحيا والقلب زاد احتراقه
مشاهد دمع الفضيلة لها سائــــــــل
ياناس لاتطغى علينا الفساقه
ولا تـــرى رحــنا بخسـف وزلـــزال
الشاعر/محمد بن سليمان الضالع
التعليق