Tweet
فى احد المدارس الوطنية فى دولة فسكونيا العظمى
التى تعيش ازهى عصور الديمقراطية فى ظل حكم
الامبراطور المعظم و الدكتاتور الاوحد
والفخامة و التبجيل
فانتوماس دى لا بمبة
المدرس: درس اليوم يا اولاد عن احد الامراض المنتشرة
فى دولتنا العظيمة وهو من الامراض المستوطنة
منذ الاف السنين ويدعى
فوبيا دى عسكراتو
ويعنى الخوف المرضى من العسكر فالامراض انواع
يا اولادى كما التلاميذ انواع فهناك النجيب و الحمار
و والافيونجى والحرامى و الغبى و البرشمجى وما الى
ذلك من انواع الضرب المشروعة و الغير مشروعة
الافيونجى: عسكراتو النوسو كونوسو اللى يجى جنبه يبوسه
الحمار: ويبوسه ليه
النجيب: مش احسن ميدوسه
الغبى: يدوسه فين
البرشمجى: على شط بحر الهوى رسيت مراكبنا
الحرامى: بس اكيد قلبه الاول
وتلاقى المحفظة كانت عمرانه
الحمار: عمرانه دى اللى جنب العمرانية
النجيب: عمرانه فقر وهم
بصل و فجل
الافيونجى: تعالى نكتب اسامينا
فجلة جنب البنزينة
الغبى: البنزينة اللى فى اول الشارع
عارفها بس هى فين الفجلة بالظبط
الحرامى: اتنشلت يا خفيف
البرشمجى: نشلونى وقفلوا الاجزخانات لا
قالولى ازيك ولا سلامات
ومشيت فى الطريق
عابر سبيل
الحمار: مين
حسن الهلالى
النجيب: مدد يا هلالى مدد
دى الحالة بقت زفت
الافيونجى: زفت و كداب ليه صدقته
الحق عليا انى طاوعته
كداب
الغبى: كداب فى ايه
الحرامى: فى كل حاجه ده يسرق
الكحل من العين
ربنا يكفينا شره
البرشمجى: يا مكحل عينك ليه يعنى
بتخوفنى و ايه يعنى
الحمار: اهه يعنى ايه بقى بالظبط
متفهمونا يا جماعة
النجيب: يعنى من خاف سلم
واللى خدته القرعة تاخده
ام الشعور
الافيونجى: احساس غريب شعورى نحيتك
وليلة حظ على مجانيين
الغبى: مين اللى مجانيين
احنا ولا هما
الحرامى: احنا اللى مجانيين علشان
معرفناش نقلبهم ونخليهم
على الحديدة
البرشمجى: قالت والخوف بعينيها
تتامل فنجانى المقلوب
الحديدة هى المكتوب
يا ولدى
الحمار: انت امتى خلفت وهو انت
اتجوزت اصلا علشان تخلف
النجيب: خلف الندامة
الافيونجى: وبتندم ليه يا ودع
دة البحر مليان صدف
الغبى: طيب و النيل مليان ايه
الحرامى: نيل ايه اللى مليان
متشفط يا بقف
البرشمجى: تشفطوه وعمره مخانكم
ولا اشتكى منكم قلبى
ليه تشفطوه
الحمار: اكيد ده عنده خرم فى القلب
زى خرم الاوزون
النجيب: ده انا اللى عقلى اتخرم
الافيونجى: خرم برم حالى تعبان
الغبى : تعبان من ايه
الحرامى: اكيد الخرمة كانت كبيرة
واتسرق كل اللى فى الخزنة
المدرس: انا مش قلت مية مرة محدش
يتكلم وانا باشرح الدرس
عقابا ليكم انا مش حقول ولا
كلمة فى الموضوع دة
وابقوا ورونى حتنجحوا ازاى
الافيونجى: ال عسكراتو ال
الحمار: ولا الفوبيا دى كمان
النجيب: انتو مينفعش معاكم غير
اللوبيا ياغجر
الغبى: مش لوبيا دى اللى جنب ليبيا
البرشمجى: ابيض ولا اسمر
ماهو اللب انواع
الحرامى: واحنا بتفرق معانا
عبى شيل
احمدك يارب
الافيونجى: شيل الواد من الارض
ادى الواد لابوه
الحمار: انت كمان خلفت هو ايه
الحكاية
ايه الناس اللى بتخلف
بدون جواز دى
النجيب: جواز سفر وفيزا
وانا ابقى اخر حلاوة
البرشمجى: سوق الحلاوة جبر
واتغندروا الوحشين
وحبيبى يامدندش
سيب الطبيخ وادلع
ده انا قلبى وقع
فى الحلة
الحمار: حلاوة طحينية وعارفينها
بس ايه القلب اللى فى الحلة ده
الافيونجى: يحموك فى حلة
الغبى: والقلب دة زى كباب الحلة كدة
الحرامى: وسع يلا دة انا
حرامى الحلة......................
كخخخخخخخ لاحديقول اني اقصد الخرمي
لووووووووووووووووووووووول
بتورطونا
التعليق