دركسون الجمس

[شاحن جوال]

اليوم الاربعاء نزلت نسايم وندى من الدرج ولقو اخوهم فهد نازل وجلسوا

يسولفون وكانت الساعه11ونصف وسلموا على امهم وكل واحد


حب راسها وبعد

ماجلسو الام:وين نهى

نسايم:اكيد نايمه

ندى:امس دخلت عليهاالساعه2 وكانت قاعده عل كمبيوتر

فهد:انانفسي افهم شتسوي

وقاطعتهم دخول الوالد:السلام عليكم

الكل وعليكم السلام

ابوفهد:وين نهى؟

ام فهد:نايمه

ندى:ايه ايه اسئل عن بنتك وانا خلني لي الله..

ابوفهد:انت تعرفين انتو مثل اصابعي لي غاب واحد فيكم افقده بس

القعده فاكهه البيت

ندى: ما اقول لنا الله

فهد يسال ببلاهه: يبه انا اي اصبع فيهم

ابو فهد: انت وش ودك ؟ <<< يجاريه

فهد: والله اذا ممكن اخر واحد لان اعز هل اصبع مدري ليه مع

ان

ماله فايده

ابو فهد: وجع هذا وانت رجال تقول هل حكي

نسايم: الا يبه غريبه رجعتك بدري

ابو فهد: اشو انك ذكرتيني الله يذكرك بشهاده

ام فهد :خير ان شاء الله

ابو فهد:تودق بو عبد العزيز ويقول الجمعه عندهم اليوم

فهد: اجل خل ندق على شباب ونتواعد بمكان من زمان عنهم وطلع

نسايم: واااااااو وناسه اكييد كل بنات عمي بيجون وش البس ياربي

وش البس<<<تكلم نفسها

قطع عليها تفكيرها ندى:انا بلبس تيور اللي اشتريته من الامارات
يييييوه

انشاء الله يكون نظيف

ام فهد: تقولين ان شاء الله قومي شوفييه ترا انا بعد المغرب بمشيk:16

قامت ندى بتصعدالدرج ونادتها امها: تكفين نددووي قوي هل خيشه نهى
ندى:ابشري وراحت وصحت ندى اللي بلموت صحت وحمدة الله

تيورها نظيف

وعرفت عن العزيمه طبعا بدو بتخطيطات<<<< مجرمييين

وبعد الغداء الام والابو راحو يرتاحون والبنات راحو يكملون

خططهم

وفهد اتفق ويا عيال عمه انهم يجتمعون بيت ابوحمد ويمر

عبدالعزيزبالجمس وياخذهم

الجد:الايا فهد مانويت تعرس.

فهد:تو الناس

الجد: اي تو الناس اللي كبرك عندهم عيال.

فهد: يصير خير تامر على شي انا بروح اريييح

الجده : مايامر عليك عدو بس وصلني بدربك الجد: هو يامره كان قلتيلي اوصلك بعيوني.

الجده:عيونك خلها لك مابيها انت شل روحك وانا خلني على فهد

الجد: الحين ماعاد نعجبك

فهد: صلو على النبي ياجماعه بياذن العصر وانتم تطاقون يالله ياجدتي قومي.
ـــــــــــــــــــــــــــــــــــــــ

اما الوضع عند البنات غير نسايم وندى ونهى اتصلات واتفاقات

ودنيا شغاله اللي تحط مناكير

واللي تستشور وندى حاطه لفافات بشعرها وبفمها مصاصه وتكلم

العنود بنت عمها بلجوال ودخلت

امهم عليهم الساعه4 العصر

الام: مابعد خلصتو

نسايم: ليش

نهى: ياغبيه عشان العزيمه.

الام: عيب عليك تكلمين اختك كذا

نهى: ماقلت شي غلط

الام: نهى اخلصي ترى ماباقي شي على المغرب

ندى: على كيفك يمه بقي ساعتين الاربع

الام: معليش خلصو.

راحت نهى عشان تلبس وماتحصل هوشه من امها فتحت الدالوب

طلت تنوره جينز سماويه
تحت ركبتها بشوي وبلوزه زهري وليموني<<<الوانها المفضله

وأخذتلها شاور ولبست وحطت لهاk:18

شدو ناعم بلون زهري يدرج الين يكون اصفر وكحل اسود مبين

جمال عيونها اللي مثل

عيون جدتها وقلوس زهري وشعرها فالته ناعم اسود يوصل نص

ظهرها ونزلت وفي الدرج

ندى:وااااااو شو ها لحلاوه بيشوفونك بيخطبونك قبلي روحي

غسلي وجهك وانفشي كشتك

نهى:لا عيوني ماراح اسوي شئ موتي بغيرتك

فهد:اسرعو ورانا ناس بوصلهم

نسايم: وهي نازله ممكن اعرف ليش انت مطفوق

نهى: يللللللللله ياندى ترى تاخرنا ترى فهد بيذبحك

ندى:اصبري ماكله مصاص وماطاع يروح اللون من فمي

نهى:موشغلي انك بزر

ندى: لاحبيبتي محد بزر غيرك

وفي بدايه الدرج نسايم:وجع يالمبزره بس انتي وياها اللي يشوفكم

منا يقول كل وحده كبر

جدتي

نهى:والله حبيبتي مالك شغ.... <<دخل فهد

فهد: وجع لو انكم تفصلون العبايات ماطولتو هالكثر ترى مب

موديكم3 دقايق والله لوماتجون

بروح وطلع وصفق الباب وراه*تعريف بالعوئل*k:2

الجد: ابو عبد الرحمن(حمد)

الجده:ام عبد الرحمن(ساره)

الجد والجده عايشين بيت ولدهم عبد الله ترتيبه الثالث(ابو فهد)

يمكن تسغربون بس الجده

ماتحب الا ام فهد وماترتاح الا لها مع ان كل زوجاتهم طيبين بس

عجايز وحركاتهم.
~~~~~~~~~~~~~~~~~~~~~~~~~~~~~~~~~~~~~~~~
ابنائهم:

:عبد الرحمن ابو عبد العزيز:طبعا كبير عائله وله الشور بعد ابوه

تهاني ام عبد العزيز:ام فاضله

ساره:عمرها 26متزوجه ولد عمتها راشد وهي حاليا حامل

عبد العزيز:عمره23متخرج قسم بترول ومعادن وهو حاليا يشتغل

بشركه العائله

رهف:21اخر سنه لغات وترجمه

مشعل:عمره 17 ثاني ثانوي
~~~~~~~~~~~~~~~~~~~~~~~~~~~~~~~~~~~~~~~~~
عبدالله ابو فهد:وشخص يتميز بحكمته وصبره شديد

فاطمه ام فهد: الام المحبه والمعطائه

فهد:25 سنه ويشتغل مع ابوه وعمامه

نسايم:21تدرس تربيه خاصه

ندى:19تدرس علم نفس

رامي: 18 بثالث ثانوي

نهى: القعده المدلعه 17 ثاني ثانوي
~~~~~~~~~~~~~~~~~~~~~~~~~~~~~~~~~~~~~~~
العمه لطيفه:ام نايف اللي ضحت بشبابها عشان تربي عيالها بعد

موت ابوهم الله يرحمه

نايف:28وامنية امه انه يتزوج بس عنده عقده من هالسالفه بتنكشف

مع احداث القصه

راشد:27 متزوج ساره بنت خالته وعنده احلام ومرته حامل مثل

ما قلنا

نواف:25 ولد فله موسع صدر ودايم طقاق مع العنود اخته

العنود:21 دلوعه ماما
~~~~~~~~~~~~~~~~~~~~~~~~~~~~~~~~~~~~~~~~

سلطان:ابوحمد

نجاه:ام حمد

حمد:22متخرج قسم محاسبه وبيشتغل بعد الاجازه في شركه

العائله

فهده:20سنه تدرس اداره اعمال

مروان:18سنه اول جامعه متقدم سنه
~~~~~~~~~~~~~~~~~~~~~~~~~~~~~~~~~~~~~~~~~
لعم سلمان:عمره 26 ويدرس بل خارج قانون وبقيله 6 شهور

ويرجع وسط اهله
~~~~~~~~~~~~~~~~~~~~~~~~~~~~~~~~~~~~~~~~
وصلو ولقو الكل مجتمع وطبعا البنات سلمو وراحو بمجلس ثاني

وكل شوي جايه وحده من

الحريم تعالو تقهوو معنا...

فهده: ياربيييه من هل حريم مايدرون ان قعدتهم ممله وتطفش كل

شوي عازمينا مايدرون

اننا فتيات نبي نقعد بلحالنا

نهى:والله انك صادقه اجل لين قعدنا هذاك مات وهذاك لاحيا

وهذيك جاها مدري وشو والله

ياعندهم حش موب صاحي

نسايم:اسكتي ترا بيجي يوم ونصيير حريم وبناتكم يقولون عنك كذا

فهده+نهى: لا ان شاء الله استغفرالله

وسكت الجميع لانه شغلو المسجل ويرقصون

فهده: نهووه تعالي ابيك بره

نهى: مابي

فهده باستغراب:لييش؟

نهى:لان وبصراحه اسمي مو نهوووه

فهده : اسفين بنت العم نهى تفضلي

نهى: اي كذا اطلع

وطلعو برى من دوون مايحسون البنات

فهده: شلونك

نهى: قطع الله ابليسك مطللعتني من الوناسه عشان كذا ...
أقول

خلني ارجع

فهده:لا هذي مقدمات يختي مو كل شي دفاشه

نهى: خلصتي من مقدماتك تفضلي

تدور بجيوبها : ويننه ياربيييه

نهى : وشو

فهده: الجوال انتظري بروح اجيبه




انتهت الحلقه الأولىk:22

[عاصم سحاري]

يا شاحن الله يصلحك ,
طويلة ما عندنا وقت نقراها .

[Otaifi]

حتى لو شاحن بمليون ما تغطي معك اسم الله عليك شكرا اخي الكريم

[الكادح]

هذا مسلسل 15 حلقه

[الخفوق]

قريتها حرف حرف

بس اللي ابي اعرفه

ليه العجيز دايم مطاقه مع رجلها يمكن اسبب نعرفه الحلقه الجايه

ولا كثر البزاريين احفادهم رجه

[شاحن جوال]

شكرا لمروركم otaifi ,عاصم ؛زعيم الواديk:1
وحياك يالكادح وترا مو 15 حلقه هذا مسلسل مكسيكي كخخخخخخخk:23

[شاحن جوال]

قريتها حرف حرف

بس اللي ابي اعرفه

ليه العجيز دايم مطاقه مع رجلها يمكن اسبب نعرفه الحلقه الجايه

ولا كثر البزاريين احفادهم رجه

ونواصل الحلقه الثانيه :

فهده: الجوال انتظري بروح اجيبه
وراحت فهده ونهى قعدت حوالي عشر ثواني وهي تنتظر بس
سمعت صوت جاي من
الباب الوراني حق الخدم وحست انه رجال وبلفعل كن مشعل
بيروح وقرب من جهتها وهي
كانت واقفه بزاويه يعني تقدر تحس بل خطواات وراحت تركض
ولقت عبدالعزيزطالع من
البوابه الرئيسيه خلاص ضاعت فيها دنيا وش تسوي كان الكراج
مقابلها وكان جمس عمها
موجود وركبته وكانت تظن انه دقايق وبتطلع لكن المصيبه ان
عبدالعزيزكان بيدخل المفتاح
يعني بيركب انصدمت وبحركه خفيفه طمرت ورااا بس المو
ضوع مايخلى من رعب ودموع
وكانت تتحمد ان الجمس كان مفتوح ولا كان راحت فيها وجلست
مطمنه راسها ودموعها
منهمره وتدعى ربها انه مايشوفها ويعدي هاالازمه على خيير
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــــــــــــــ
رجعت فهده ومالقت نهى فهده في نفسها: ماتترك حركاتها
بايخه اوريها ورجعت جوا
مع الجو والربشه والوناسه غاب الموضوع عن بالها..........
ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــ
مشى عبد العزيز لسياره ونهى ورى كاتمه الخوف والضحكه الضحكه على سعود اللي مصدق ان
مامعه احد وماخذ الراحه ويغني ويحاكي نفسه والخوف كيف بترجع للبيت
وصل عند بيت عمه سلطا ن ابو حمدلا نهم متفقين اذا خلص عبد العزيز اغراض امه يمرهم
عشان تكفيهم السياره طبعا اللي ركب قدام اهو فهد ولا عنده فيهم اما الباقين جلسو يطاقون من
يركب ورا وحمد اللي ماسك جواله ومشتغل فيه طفش وركب ورا اما نهى وما ادراك ما نهى
وش صار لها كانت شوي ولا تموت بس هو لاهي بجواله لكن حس بانفاس كان احد قاعد جنبه
وعلى امتداد النظر مالقى شي ولسى بيرجع عيونه على الجوال وحس بحركه غريبه واللي هي
ان نهى من طقت رجلها ورا من الخوف ولتفت وشافها وقعد مبلم<<<لفظ سعودي يعني فاتح k:20 كخخخخخخخخخخخخخخ
عيونه وفمه على الاخر ومو مصدق والاستيعاب وقف عنده.
وقعد على هالحاله يمكن خمس دقايق وش هذي وشلون جت بس ماشاء الله حلوه بس وش جابها
وهوبين افكاره انتبه لدموعها اللي مغرقه عيونها وهو سرح بجمال عيونها الكبار وخصل من
شعرها على وجهها وبعدين من الحيا نهى غطت وجهها بيديها التفت وهويقول
انا وش جاني ماقد شفت بنات والتفت للشباب لقاهم يسولفون بس ماشاركهم اذا ضحكوا ضحك
واذا سكتو سكت وصلو للكافي وراحو تحت بلمواقف لان مثل ماتعرفون الشباب مثل النمل
القهاوي ونزلو وراحو قعدو وحمد مو معاهم ابدا كان يفكر من هذي معقوله تكون رهف لالالا
شلون تركب مع اخوها كذا اجل مين ؟؟؟ ومن بين علامات الاستفهام تذكر انها بسياره وتحت
بمواقف الكوفي وشباب كثار وهي بلحالها لازم يلقى حل قام يدق ويقطع على فهده عشان ترجع
تتصل ومايحسون انه يتهرب واتصلت فهده وقالت:بخيييييييييل جدا قال:طيب ابي اعطيك
بيت عمي ابيك تفتحين الباب الكهربائي وراح خذى المفتاح من سعود بحجه انه فهده تبي
غرض وافق وراح للمواقف لقى شباب شوي قريبين من هناك وثارت اعصابه بس لما قرب
حس انهم مايدروون عن شي وركب السياره وشغلها من دون اي كلمه وهي كانت تبكي وماستحمل
بكاها اللي شكله زاد وقال: خلاص الحين بوصلك
نهى:ــــ ـ ـ ـ ـ ـ ـ
احترم سكوتها اكيد هي مستحيه ومتفشله اما نهى:مشاعرها متضاربه خوف ورهبه وبنفس الوقت
فرح بالمغامره بس الشي الوحيد اللي هي تاكده منه ان الدموع لازمه في هذا الوضع.
وبعدين الصمت ساد وحمد ونهى متوترين ونهى ساكته وعيوها تتكلم وصلو البيت واتصلت فهده
فهده:الوهلا والله لحظه<<<وكان الجوال لسى عند اذنها
فهده:نســــــــــايــــــــــــــم وين نهى لها نص ساعه مختفيه ومطلعتني برا وانا غبيه انتظر متى
تجي
<<<حمد خلاص هذي نهى صغيرونه والله يادنيا كبرت
فهده :الو حمد ها وش تبي
حمد:وش فيك طولتي سنه ماتردين
فهده:وش اسوي بنت عمك نهى ضايعه
حمد:نهى ضايعه
هنا نهى خلاص ودها تموت عرفني ياربيه وش اسوي
حمد:طيب افتحيلي باب كهربائي معي جمس عمي
فهده:ليش وش تبي
حمد: بس بعطيك غرض
فهده:طيب وراحت وجابت ريموت وافتحت الباب حمد يفكر وش يعطيها واالله النشبه
دخل السياره ونهى لما عرفت انها دخلت تطمنت وسكتت عن الصياح ونزل حمد: نهى
اتنظري عشان اصرف فهده نهى كان ودها تقول ماله داعي بس ماقدرت
ونزل ولقى فهده: ها وش تبي تعطيني
حمد: جيبي لي كاس مويه وعلمك
فهده:الحين جاي ومقطع شوارع عشان كذا
حمد: روحي ولا انت الخسرانه<< واشر على جيبه فهده صدقت وراحت
فتح الباب: نهى انزلي قبل ماتجي فهده
نهى:طيب <<وهي تقول بنفسها انزل كذا من دون عبايه وش هالمصيبه وكلت امرها لله لانها
مضطره ونزلت وركضت تبي تروح
جت فهده:خذه حمد وشرب منه شي ورجعه
فهده:الحين كل ها الصيحه عشان رشفه اه يا لقهر اخلص وش تبي
حمد: انقطع سرحانه وابتلش وقالها: دقيقه وراح للسياره وخذا شريط للعبد العزيز وعطاه
اياه وقال: هذا اهداء لكم خذوه وشغلوه
فهده بكل استغراب:طيب
وطلع وشغل الراديو وطلعت اغنيه
من فينا هاليله ينام والشوق صاحي ماينام
كل من فينا حبيبي شايل بقلبه ملاااام
من فينا هاليله ينام

انتهت الحلقه الثانيه k:18

[شاحن جوال]

اركد يا زعبم الوادي

كخخخخخخخخخخخخخخ
k:15

[شاحن جوال]

زعيم الوادي ودي افقع وجهك k:28 قول ليش k:15 k:15



كل الممثلين استشهدوا يعني كانو راكبين وفجأة انقلبت سيارتهم =مافي حلقه اخيره =؟؟؟؟؟؟؟؟؟؟؟؟؟؟؟؟؟؟؟؟؟؟
=وجهك نحس كخخخخخخخخخخخخخخخخخخخخخخخخخخخخخخخخخخ