Tweet
تصدق..كنتْ في طاريـك وأتكلـم عـن غيابـك
وربي جيت في وقتك.. كأنـك كنـتْ تسمعنـي
أقول آهلين..لا والله مية أهـلا وسهـلا بـك
تفضـل اقلـط بصـدري وبعثرنـي ولملمـنـي
حبيبي جيت في وقتك..دعيت.. وربنـا جابـك
اخيراً.. شفتك قبالي بعدما البعد تعبنـي
تصدق.. كنت بغيابك كثر ما اشتاق اغتابـك
اقول انك بليا احسـاس ..يحلالـك تعذبنـي
ليا أتذكرت كلماتك.. مزاحك.. قسوة عْتابك
تاخذنـي تعابيـرك ولا ادري ويـن تاخذنـي
ليا تذكرت لمساتك..حنانك..طيشك..ألعابـك
خيول الشوق تصهل بي وتجمح بـي وتنهكنـي
كثر ما اشتاق لحضانك.. أقوم أتلمس ثيابك
اشم بها شـذا عطـرك.. واحضنهـا وتحضنّـي
اقلب دفتر أشعارك.. ألاقي الشعر يزهى بـك
وكل بيتٍ مـن أبياتـك أحسك..كاتبـه عنّـي
وخاويـت الحـزن والهـم واتعذبـت بسبابـك
حياتي مالهـا معنـى بدونـك يـا متوّهنـي
طوال أيامي أتحراك.. وعيونـي علـى بابـك
على هالحال تلقاني .. على بالي بتذكرني
اخيرا جيت يا عمري ..دعيـت وربنـا جابـك
وربي جيت فـي وقتـك كأنـك كنـت تسمعنـي
الشاعر: محسن الحمري
التعليق