Tweet
لصوت اظغط ارابط
قلبك يغرّك وانت فالحب تحتال
وشلون شايل بين الاضلاع قلبك
مدام مالك بالهوى ( فيّ ) وظلال
مايختلف لو شفت سلمك وحربك
كنت احسبك تعطي على كل الاحوال
واثر العطا ما وافق بيوم دربك
عشتك ( ألم ) كلك متاهات وهبال
معنى العذاب وجاير الهم .. قربك
طبعك تجاوز للاسف طبع ( الانذال )
ليتك تحس بحرّ ( نارك ) وكربك
في داخلي يبني لك ( الكره ) تمثال
بين ( الحنايا ) لو تصورت .. يربك
خنت العهود وجيتني ( حيل ) تختال!!
الوجه شرق و ( نيتك ) يم غربك
غدرك معك في داخلك ( حي ) ما زال
ماهو غريب ان صار ( زادك ) وشربك
لا تحسبن جروح .. مثلك على البال
من صد ( جيشك ) قادر إيبيد ( سربك )
مات الشعور ولا بقى فيه ( مثقال )
تعبت اجامل .. وادفع ( اتعاب ) كذبك
خذها صريحة واصدق القول .. ينقال
هجرك دواك وزايد ( البُعد ) طبك
وش تنتظر بالله .. يا متعب الحال
إرحل ولملم .. مع بقاياك .. ذنبك
ماعاد قلبي ينظرك ( عزّ ) واجلال
لو ( مت ّ ) عنده ترتجي .. ما شعربك
فرصه عطيتك وانتهى وقت ( الامهال )
اعلنت فيها ( للملأ ) موت .. حبك
.
.
.
.
.
.
.
القصيدة بصوت المبدع
الشاعر فهد الهويدي ..
من اذاعة الكويت في
برنامج ليل المشاعر
الشاعر فهد الهويدي ..
من اذاعة الكويت في
برنامج ليل المشاعر
وهي احدى قصائدي
محمد العسكر
محمد العسكر
وكل الود لقلوبكم النابضه به
التعليق