Tweet
هذه القصيدة تسمى توبة العوني
يالله ياوالي
يالله يا والي على كل والــــي @@ ياخير من يدعى لكشف الجليلـــه
المالك المعبود محصي الرمالــي @@الكون والدنيا وما به فهي لــــه
ما كان له أول وما كان تالـــي @@ملكه يدبر به على ما يبي لــــه
يقضي ويمضي قادرٍ ما يبالي @@والخلق ما تفعل بلا امره فعيله
ماله شريك جل فوقٍ متعالــي@@علمه أحاط بدقها والجليـــــه
أشهد فلا غيره آله ولا لــــي @@ربٍ سواه أخشاه وأرجي النيلــه
ياواحدٍ فوق السموات عالـــي @@ من سطوته كل الخلايق ذليلـــه
يا فارج الشدة بضيق الحوالـي @@@ افرج لعبدك يامنجي خليلــــه
وانظر بعينك يا آلهي الحالـي @@@ فردٍغريبٍ والمصاغي قليلـــه
وحيد مالي غير ظلك أظلالـــي @@ ذليل مالي غيرعزك وسيلـــه
ياراحم ارحم شيبتي وانخذالـــي @@@ ياقادراجبرعثرتي والفشيلـــه
والطف وناظر يامجيب السوالـي @@ لا تواخذن فيما مضى من فعيلـه
لا إخوان لاعمان لا من خوالـي @@ ولا من صديقٍ بالوزى نشتكي لـه
لو كان ما يجلي سوى الله جالـي @@ ماشفت عبدٍ هرجته لي جميلــه
تقطعت وذم العرى والمدالـــي @@ @ من جملة الخلان والمستخيلــه
قضيت من المخلوق ماحدٍ بقالي @@ إلا أنت ياللي ما يخلي عميلــه
عادوني كل الناس شرق وشمالـي @@ ولا بقى غيرك ذراً نلتجي لــه
شافوني مذلولٍ وحيدٍ وخالــي @@ ولا لي من الفزعات مومـي شليله
وأنا بعون الله امتانٍ احبالــي @@ متجودٍ بحبال منشي المخيلـــه
لو كان كلٍ له صديقٍ أموالـــي @@أخوال واقرابٍ ولحدٍ قبيلــــه
أنا لي اللي زابنه ما يسالــي @@ جزل العطا مبري الجسوم العليله
إلى دعوا حيانهم فز بالــــي @@رفعت طرفي له وقمت أشتكي له
واللي تنادوا بينهم للنوالـــــي @@@ناديت بإسمك يامنشي المخيلـه
من لاذ بك ما صار بالضيق تالـي @@ يصيرالأول لواعظامه هزيله
أنا دخيلك يا عزيز الجلالــــي @@ حاشا كرم جودك يضيع عميلـه
تبريت من غيرك بحالي ومالــي @@وزبنت أنا بحماك عن كل ميلـه
من شر خلقك لايذٍ بك ومالـــي @@ غيرك ملاذٍ شامخٍ ينعني لــه
يارب مالي غير جدواك والـــي@@ وإن كان خليتن فلا لي عقيلـــه
ياعالمٍ با المخطيه والعدالـــــي @@تشوف مالي غيرعدلك وسيلـــه
فلا تؤاخذني بماضي أفعالـــي @@ يا ساتر العورات مضفي الجميلـه
لو كان ذنبي راجحٍ بالجبالــــي @@ عفوك عظيم ليس ذنبي عديلـــه
أطلبك تقبل توبتي عن خمالـــي@@وأطلبك عني كل كربٍ تزيلـــه
وأطلبك تغفر لي وتصلح أعمالي @ يامزبن الخايف إلى باد حَيله
مولاي لا ملجأ ولا ملتجأ لــــي @@إلا أنت ياللي ما يضيع نزيله
يا فزعة المضيوم منشي الخيالي @@ يا فارج الشدات لوهي ثقيلــــه
أفرج لمن بالحبس دونه أرجالــي @@ ابواب واقفال حصونٍ ثقيلــه
في وسط دبابٍ وحيدٍ الحالـي @@أظلم ولا أدري وش نهاره وليلـه
متروك مالي من يرد المقالـي@@ لا أحد يبي قولي ولا أحد يشيلــه
ولا أحد غيرك عليه اتكالــي@@ إلا أنت يامنجي دريك الدبيلـــه
مادام تنظرني وتسمع مقالي @ ماخاب عبدٍ يدري أنك وكيلــه
يا سامعٍ بالليل حس النمالــــي @@ @وصوت يونس في البحورالطويله
دعاه وضرب الموج مثل الجبالـي @@ فوقه أجيبت دعوته وتهليلـــه
يا مصرف الأيام هي والليالي@@ في قولته كن يجري القلم بتعديله
لها بقية
التعليق