توك تجي

[محمد اليحيى]

توك تجيني تشتكي كبر همك
توك تحسف يوم غيري مبكيك

امسح دموعك في يدينك وكمك
ماعاد انا اللي امسح الدمع واغليك

دامك نسيت اللي من الشوك لمك
الي فتح قلبه لحضرة معاليك

الي يحبك حب اكثر من امك
الي ترك ناس(ن) علشان يرضيك

الي رفع قدرك ولايوم ذمك
الي يبيع الناس باالعمر يشريك

امشي معك واثر الخيانه بدمك
على النوايا باالمحبه مخاويك

مديت لي كاس(ن)به اليوم سمك
شربت من كاسك وانا واثق(ن)فيك

قتلتني وش باقي اكثر يهمك
مادام اخذت الروح ياشيخ يكفيك

انسا خفوق(ن)كان وده يضمك
انسا (**) ياهوه الله يخليك *
********************************
وصلتني بالايميل ولا اعرف قائلها

[القاسمي]

اشكرك ياابوتركي فجميع مواضيعك تدل على قلبك(المحب) وسريرتك(النظيفه)
تقبل تحياتي أخي العزيز

[عاصم سحاري]

قصيدة رائعة وذوق أروع وهذه عادات أبو تركي ما يجيب إلا الزين

[محمد اليحيى]

القاسمي ياقلب المنتدى الطيب وفقك الله وأبقاك لأخيك موجهاً ودليلاً
حفظك الله يا غالي

أستاذي عاصم لا عجب أن يبدع تلميذ أنت أستاذه لك كل الشكر على التشجيع والمتابعة والردود الدائمة لمواضيعي حفظك الله

[الزاعبي]

ما شاء الله عليك عيني عليك باردة يا أبو تركي يعطيك العافية .

[محمد اليحيى]

ما شاء الله عليك عيني عليك باردة يا أبو تركي يعطيك العافية .

هلا وغلا هلا بالزاعبي نورت والله يا أبو أحمد ولك وحشة
وشكراً لمرورك يا عسل

[الصقر الجارح]

امشي معك واثر الخيانه بدمك
على النوايا باالمحبه مخاويك

مديت لي كاس(ن)به اليوم سمك
شربت من كاسك وانا واثق(ن)فيك

قتلتني وش باقي اكثر يهمك
مادام اخذت الروح ياشيخ يكفيك

انسا خفوق(ن)كان وده يضمك
انسا (**) ياهوه الله يخليك *
تسلم ياخي ابو تركي على اختيارك الشعر المميز صدق انك عضو مميز