Tweet
على برد المشاعر قلت ابحطب سمـر هوجاسـي
تزود النار اذا هـب الخيـال وشـاع نسناسـه
رقص موج الحبر...يستعذب الرقصات قرطاسـي
أغرّق فيـه أفكـاري واصيـغ ابيـات حساسـه
على وصوفك أحس القاف يحسدني على احساسي
على وصوفك أحسْد القاف لو رنّت بك اجراسـه
عيونك علمتني كيـف اصيـر الليّـن القاسـي
عيونٍ كنها القصر وصفـوف الرمـش حرّاسـه
جفونك مـن روايـات الكحـل ينتابهـا نعاسـي
على برق النجل كـن الحجـاج يغلّـف الماسـه
وخدك مثل طفـلٍ فـي يدينـه يحمـل الكاسـي
ينادي الشمس وتصب الضيا الوهّاج فـي كاسـه
أنا يابنت أسمـر تحـت قمـرا وسـط جلاسـي
جديلـك لـو تفلّينـه ..نسايـم نجـد جـلاسـه
أنا يابنت اذا سافرت احس بغربـه عـن ناسـي
وحب الخال في خدك..يحس بغربه عـن ناسـه
خطيتي بدرب وعر وصار غصبٍ عنه متواسـي
رهيفه،فاتنه،عذرا،ومـمـشـوقـه،ومـيـاسـه
إلا مني نطقت اسمك..يفـوح العطـر بانفاسـي
وصدرك ينزرع نرجس...إذا مافاحـت انفاسـه
كتبت اغلى قصيدي فيك واصلا عنك انا ناسـي
بربك لو ذكرتك كيف شعري يصير مقياسـه ؟!!
التعليق