قـال انتبه باقي على شفتك روج

[عاصم سحاري]

ياعين من حطيت عيني بعينه
.............. وابطيت واقف في بحر عينها موج
ابحرت في عينه بليا سفينه
.................. سجيت فيها لين ضيعني الموج
حاولت الد الشوف عما يهينه
..................... ولاانتبهت الا وانا فيه ملبوج
شفت الفتن في ملتقى حاجبينه
............... والسحر في عينه مع الزين مدموج
اسود سواده لابسته السكينه
........... وابيض بياضه طايش اللون مرجوج
زاويه طرف ٍ حاجز ٍ دمعتينه
.................. لولاه كان الخد بالكحل ممزوج
كاسيه رمش ٍ زاد ملحه وزينه
.............. من فوق متكحل ومن تحت مدعوج
بين الرموش السود شفت الغبينه
................. واللي رماه الرمش ماعاد له بوج
مرت ثواني من حياتي ثمينه
................. وانا اتهادى بين الاشواق وأدوج
مرت وانا قابض على راحتينه
.................. واقف مقابل له وساهي ومدلوج
مدري وش اللي صار بيني وبينه
.................... والقلب ماردنه ضلوعي العوج
ولا انتبهت الا بسحبة يدينه
................ قال انت تبغى الناس تلحقني هروج
قلت اعذر اللي شافك الله يعينه
...................... يبطي ودمعه بعد فرقاك مزعوج
عينك بنظرات الغلا مستهينه
.............. .... قال الغلا في داخل القلب منسوج
قلت الوعد قال ايه كلش بحينه
..................... الله يفتح لك من الضيقه فجوج
قلت آآه .. طيب شف لي الدرب وينه
................... قال انتبه باقي على شفتك روج

[محمد اليحيى]

العين رأت فأبحرت فأطلقت القلب من سجنه
عبر الكلمة رحلنا معك يا عاصم الى عالم الابداع
فسقطنا في بحر الحنين لنصحوا على وقع الماضي الجميل
لتملأنا اختلاجات الروح بأمل الاشتياق لنصل لرحلة الوداع
عاشق قدير يارجل الكلمة الرائعة أسعدتنا برائعتك
وسعدنا بجمال حرفك

[عاصم سحاري]

مشكور لمرورك الكريم أخي العزيز محمد اليحيى , وردك أكثر جمالاً وروعة .

[Jathmi]

حاولت الد الشوف عما يهينه

..................... ولاانتبهت الا وانا فيه ملبوج

ابو عبد الله

مشكور ويعطيك الف عافية
ترى الواحد يضيع احيانا ومعذور الشاعر اذا
لبج شكله شاف شي غير طبيعي

[عاصم سحاري]

شكراً لمرورك يا Jathmi الحبيب , والله لا يلبج مسلم .

[دروب الحب]

ابحرت في عينه بليا سفينه
.................. سجيت فيها لين ضيعني الموج
كلمات رائعة وتشبية اروع.........كروعة روح كاتبها

[عاصم سحاري]

شكراً لمرورك الكريم عزيزي دروب الحب .

[ملاذ السكون]

كلمات جميله غزليه

[الطائر المهاجر]

26-07-2003, 03:07 PM #1 قال انتبه باقي على شفتك روج
ياعين من حطيت عيني بعينه .... وابطيت واقف في بحر عينه أموج

ابحرت في عينه بليا .. سفينه .... سجيت فيها لين ضيعني الموج

حاولت .. الد الشوف عما يهينه .... ولاانتبهت الا وانا فيه ملبوج

شفت الفتن في ملتقى حاجبينه .... والسحر في عينه مع الزين مدموج

اسود سواده لابسته السكينه .... وابيض بياضه طايش اللون مرجوج

زاويه طرف ٍ حاجز ٍ دمعتينه .... لولاه كان الخد بالكحل ممزوج

كاسيه رمش ٍ زاد ملحه وزينه .... من فوق متكحل ومن تحت مدعوج

بين الرموش السود شفت الغبينه .... واللي رماه الرمش ماعاد له بوج

مرت ثواني من حياتي ثمينه .... وانا اتهادى بين الاشواق وأدوج

مرت وانا قابض على راحتينه .... واقف مقابل له وساهي ومدلوج

مدري وش اللي صار بيني وبينه .... والقلب ماردنه ضلوعي العوج

ولا انتبهت الا بسحبت يدينه .... قال انت تبغى الناس تلحقني هروج

قلت اعذر اللي شافك الله يعينه .... يبطي ودمعه بعد فرقاك مزعوج

عينك بنظرات الغلا مستهينه ؟؟... قال الغلا في داخل القلب منسوج

قلت الوعد قال ايه .. كلش بحينه .... الله يفتح لك من الضيقه فجوج

قلت آآه .. طيب شف لي الدرب وينه .... قال انتبه باقي على شفتك روج

شوف تاريخها تآكد

[عاصم سحاري]

ملاذ السكون
الطائر المهاجر

شكراً لكما .

[Ghaleb Sahary]

في بحر عينها موج ** ضيعني الموج ** وانا فيه ملبوج ** الزين مدموج ** اللون مرجوج
آخرتها مرجوج وفي موج البحر ملبوج الله المستعان بلاش من هالحب.

[عاصم سحاري]

مشكور يا Ghaleb Sahary .

[فتى الغربية]

كلمات ولا أحلى
ياعيني على النقل الرائع
أِشكرك أخوي عـــــــــــــاصم

[عاصم سحاري]

مرحباً بك يا خالد شواف
لكن ليش ما ترد من أول ما نزل الموضوع وانت ذواق شعر .