Tweet
هذه قصيدة أبكتـــني وأحببت أن أنقلها لكم .. أتمنى تعجبكم ,,
شاعر يودع أمه المتوفاه
شاعر يودع أمه المتوفاه
مضى امس ومضى عمر ولاغير الله الباقي
طوينا صفحة كتاب خذا من عمرنا همه
فجيعة ليلي البارح فقيدة عمري الباقي
حبيبة كل مافيني ، فمان الله يايمه
فمان اول زمان به نما في حسبة اشواقي
غرام دافق يسري بعرق وماحوى دمه
يودعك الصغير اللي تربى داخل اعماقي
يودعك الكبير اللي يمش دموعه بكمه
يودعك الحبيب اللي اشوفه ساكن احداقي
يودعك الجريح اللي نزف دمه ولاهمه
انا مدري هي اللقيا أو اني فـ غبة فراقي
وانا اقبّل جبين ما بقى غير الثرى يضمه
يايمه والزمن وقف وانا نبضي وخفاقي
خطير يسرقه مني زمان قال بك يمه
فمان الله يايمه فمان الواحد الباقي
كثر ماهلت امطار وكثر ماهللت أمه
يايمه ياعسى قبر يضم اطرافك يلاقي
من الغفران والرحمة كثر ماضمك يضمه
فجيعة ليلي البارح فقيدة عمري الباقي
حبيبة كل مافيني فمان الله يايمه
التعليق