ما دام ان الزمن قاسي

[طيب]

بسـم الله الرحمـن الرحيـم

السلام عليكم ورحمة الله وبركاته

قصيد لـ صالح ابن مانعه المري

قصيد نالت اعجابي واتمنا ان تنال

ايضا اعجابكم ولاتحرمونا من ردودكم



مادام ان الزمن قاسي ومدات اليال شحاح = ترا ما للفقير الا يمد أييده لخلاقه

وانا من فضل ربي عشت في وقت العنا مرتاح = والى جار الزمن ماقمت احاتي نوض برّاقه

لوّن قفل الزمن ماله مع بعض العرب مفتاح = فلاضني بتلقى واحدٍ طعم العسل ذاقه

ولاكن خلقت الدنيا كذا والرابح المنزاح = عن دروبٍ مماشيه صعيبه تخلف الفاقه

ومدام اني على احسن مايرام وخاطري منساح = فموضوع الزمن مافيه داعي نكشف اوراقه

ابدله عن صواديف الزمان اللي حياه رياح = وادله نفسي بشيٍ عليه النفس سبّاقه

رعاك الله ياللي طال صبري لين سدي باح = وقلبي في يدك بابه ومفتاحه ومغلاقه

اسوج الرجل واقدامي على درب الغلى سراح = وقلبي في غلى حضرة جنابك ماحدٍ عاقه

عطيتك من بعض روحي على خبر القلوب صحاح = وبديتك على نفسي بشيٍ يصعب اطلاقه

الين اصبحت من بين العذارى تنعرف بوشاح = تليق بسمعةٍ فيها بنات العصر تواقه

وفي كسرة عصى تزعل : وتحرق شجرة التفاح = وتكويني على الضلع القصير وتنضج احراقه

لوّنك تكتشف حزنٍ تكامل فـ الضمير وساح = دريت ان لك مكانٍ في ضميري تنزف اشواقه

ترى مالزعل داعي تغانم فرصتك ياصاح = تغانم فرصتك قبل الزمن يقفي بمعلاقه

تعال: وعالج جروح الحزين وكل شيٍ راح = تعال: وجدد آمالك ترى الأيام سراقه

سرقة القلب واثرك معتبرها سرقة المزاح = حدٍ شافه ضحك وان ماحدٍ شافه رقع ساقه

م

:36_13_13[1]:

[عبدالله الخبراني]

،،،،،،،

يعطيك العافيه ،،،
تقبل مروري ،،،

[القادم عنيد]

بسم الله الرحمن الرحيم

تعال: وعالج جروح الحزين وكل شيٍ راح = تعال: وجدد آمالك ترى الأيام سراقه

-------------------------------------------------------------------------------------

في هذا ألبيت تذلل وخضوع
ولكن على كل من له حاجه يصعب عليه حلها فل يفوض أمره الى الله وسيجد الحل المناسب كما قال الشاعر
ومامسني عسر ففوضت أمرة **** الى الملك ألجبار إلاً تيسرا

تقبل مروري مشكورآ

[طيب]

اهنيك

يعطيك العافيه ،،،
تقبل مروري ،،،

يعطيك العافيه عبدالله

[طيب]

القادم

بسم الله الرحمن الرحيم

تعال: وعالج جروح الحزين وكل شيٍ راح = تعال: وجدد آمالك ترى الأيام سراقه

-------------------------------------------------------------------------------------

في هذا ألبيت تذلل وخضوع
ولكن على كل من له حاجه يصعب عليه حلها فل يفوض أمره الى الله وسيجد الحل المناسب كما قال الشاعر
ومامسني عسر ففوضت أمرة **** الى الملك ألجبار إلاً تيسرا

تقبل مروري مشكورآ

لك جزيل اشكر اخي القاد عنيد