Tweet
يعيش الحب شي عادي يموت الحب وش يعني!
مدام قلوبنا ماتت مشاعرها وهي حيه!
أحس بالحب لاجيته على كيفه يطالعني..
مغفل من يعيش بهالزمان أحلام ورديه!
من أول ماعرفتك تعطي احساسك وتمنعني
وأقول:تمون يا نبع الحلا والحب حنيه
كثر ماكنت تكذب في كلامك كنت تقنعني
دليل اني على كثر الجفا سلمتك ايديه
عشاني قلتلك ما بدخل بهالجو طلعني
تغيب وتاخذ الدنيا معاك وتقطع الجيه!؟
مع اني قلت اذا ماطاعك
الوقت الردي طعني
واذا ما جيتني كلك تعال شويه .. شويه
لك الله يوم أجي مشتاق لك والشوق يدفعني
كأني رايح للموت بيديني ورجليه
وأعرف ان مرفي بالك تولعني .. تولعني
مدامه شي في بالك تجيبه ميه بالميه
وصلت لمرحله حتى الشعور العذب يخدعني
وأحس إني على النيه وأنا فعلا على النيه!
بكمل لك كلامي بس تكفى لا تقاطعني
بقى جمر الكلام ودمعة بالعين مخفية
أمانة قبل أروح وينتهي كل شي طالعني
عشان تعرف وش معنى العطا قبل الأنانية؟!
أبرحل .. والطريق اللي يودي مايرجعني
يبي يغنيني الله عن هوى حبك وطاريه
خذ الباب بطريقك والعذر ما عاد ينفعني..!
ترى ماعاد لك قيمه ولا للحب أهمية.؟!
ومثل ماتسمع لغيري أبيك تسمعني:
وداعيه ياآخر ليلة تجمعنا .. وداعيه
00منقول...
التعليق