Tweet
هذي قصيدة للشاعرة ريم الصحراء
ودي أشوفك ياهوى الروح وارتاح =واشفي جروح القلب مما عطبها
واسرح أنا وياك ونقيم الأفراح = واطفي من المعسول حامي لهبها
ذبحتني ذبحٍ بلا دم وسلاح =عندك حزن روحي وعندك طربها
ماهو بحبي حب مقفى ومزاح =حبك سكن قلبي وحالي سلبها
العشق مايخفى ترى الدمع فضّاح= أرفق بحالي يوم ربي نشبها
من طاح بحرك ولو كان سبّاح =يغرق وروحه يم موته جلبها
عيني صليب الدمع من حجرها فاح = والنوم عاديته وعيني حربها
حالي قضت من سبت الحب ياصاح= ونفسي تعاف الزاد وإنت سببها
تراك من بد المخاليق ذباح =تقتل عشيرك بالعيون وهدبها
التعليق