Tweet
اقدم لكم مطوية بمناسبة شفاء
خادم الحرمين الشريفين الملك عبدالله بن عبدالعزيز حفظه الله
وهنا قصيدة بهذه المناسبة
سيد الجود
يوم القصايد بين حاوي ومردود
جتني تدافع والخطاوي سريعة
نظمت منها عقود وعقود وعقود
واودعتها اللي ما يضيع وديعة
ويا خادم البيتين يا سيد الجود
يا حاكم الدولة بحكم الشريعة
انت الفخر والمجد بيديك معقود
ولامرك جموع الناس جاتك مطيعة
ويا وافي المدة ذرى كل مضهود
يا شامخٍ فيك التواضع طبيعة
شمخت بأفعالك وخلق الله شهود
وحصنت دارك بالحضون المنيعة
وسيفك لنشر الحق والعدل مجرود
يبتر يدين أهل المكر والخديعة
وبذلت في لمّ الشمل كل مجهود
ومبادراتك دايم ن فالطليعة
ويا سيدي ولك الغلا ما له حدود
وحبك على روس المنابر نذيعه
وهذي قلوب الشعب تاقف لك حشود
وتبايعك بيعة مهي بأي بيعة
بيعة وفا ما بين سيد ومسيود
تجهر بها أصحاب النفوس الرفيعة
ودامك يا بومتعب على الأرض موجود
شعبك بخير وشوفتك هي ربيعة
ووقفتك سالم تروي كبود وكبود
وهي غاية الشعب السعودي جميعه
ويا الله يا رحمن يا خير معبود
يا باسط السبع الفجاج الوسيعة
تحفظ أبومتعب ذرى كل مضهود
اللي حكمنا بالعدل والشريعة
المطوية في الرابط
تحميل الملف خادم الحرمين الشريفين.doc من هنا
نسآل الله جلت قدرته ان يحفظ لنا خادم الحرمين الشريفين وينعم عليه بالصحة والعافيه الدائمة
منقول
التعليق