ابيك انت بالذات

[وشاح العز]

عسى ما ازعلتك البارح وزودت الجراح جراح
عسى مامرت الدمعه على اهدابك من اسبابي

جرحت من كثر شوقي وخليت الكلام رماح
ولا ادري شلون ياعمري طعنتك حيل باعتابي

بدون شعور صدقني ترى كثر الغلا ذباح
تعال وشوف بغيابك غلاك وش سوابي

حرام تغيب من عمري وتعطيني الفراق وشاح
حرام الدمع في عيني مناديلـه هـي اهدابـي

غيابك يشغل عيون الزوايا وامتلـي اشبـاح
وانا انثر صوتك بقلب المكان واشعل ابوابـي

تلفت للامل دام الرجا فـي عمـري الملـواح
أناديلك ولو شرهك ووصولك تقطع اعصابـي

ابيك الجاي من عمري انا مابيك شـي وراح
مدامك اجمـل واخـر مدامـك اول احبابـي

ابي ارتاح ياعمري انا ادري هم تبي ترتـاح
تعال وقبل ما افرح ترى تفـرح بـك ثيابـي

احبك يابعد عمر الحزن والجـرح والأفـراح
احبك كثر مانامـت عيونـك داخـل اهدابـي

[فارضة احترامي]

وشــــــــــــ العز ـــــــــــاااح ذوقك رااائع

تقبل مــــــــــــــــــــــروري

[وشاح العز]

أشكرك على ردك الذي أسعدني

[جداوى غير]

ذوق على ذوق فن راقي كلمات اتغام تطرب كل متذوق للشعر تطرب كل من يحمل فى قلبه الحب الصادق الوفي المخلص
سلمت أناملك ياوشاح العز ياراقي
تقبل مروري

[عاصم سحاري]

شاعر خطير يا وشاح العز ويبدو أنك عاشق أيضاً .

[وشاح العز]

جداوي غير~عاصم سحاري
لكم خالص شكري وأحترامي