ارحلي

[الشتاء الأخير]

إيه جيتك .. واسمعيني .. لو سمحتي .. للأخيــر
وإن تثيقلتي كلامي .. اسندي .. بذاك العمود

يالحبيبة .. يالقريبة .. أنتي .. أعلنتي الهجيـــر
الهجير .. اللي حرمني .. ارتوي .. بالعشق زود

أنا مابي .. تحسبيني .. عن رحيلك .. بـ استخير
ارحلي بسكات ..أرحم من جفاتك والصدود

أنا فيني .. طبع يمكن .. احتواني لـ الضميـــــــــر
منبعي .. أشواق تزعج .. ألف ساحة لـ الركود

كنتي حلم ٍ .. في عيوني .. آآآه يالحلم الكسير
ياسراب .. أغرى ظمايا .. وللأسف .. ماله وجود

تذكرين اللي .. مشى لك .. في عسيرك واليسير
واقف بجنبك .. وناسك .. احتذوا حذو الشرود

تذكرين اللي .. فرش لك .. رمش عينه .. والنظير
والأماني .. زفها لك .. بريح مسك .. وريح عود

تذكرين اللي .. تهرب .. عن حبيبه .. والعشير
طامع .. بقربك ثواني .. ينثر بكفك .. ورود

تذكرين .. وتذكرين .. وكل طير ٍ .. لو يطير
ويرتفع ويروح .. إلا .. مثل ماروّح .. يعود

المهم يابنت .. اصغي .. في كلامي .. والنذير
لا أشوفك في حياتي .. ولا أشوفك .. بالحدود

من يصد .. عن من يحبه .. يلقى نفسه .. بهـ المصير
الله أكبر .. يازمنا .. كيف نجزى بالجحود !؟

إيه جيتك .. وذا كلامي .. لو يصير .. اللي يصير
وان زعلتي .. يالعنيده .. طقي راسك بالعمود

..

مما راقني .

[فهد سحاري]

كأني بجانب حامد زيد..
ألهو في واحاته..
أنصت لنغمه..وعزف ربابته..

لا أصدف للشعر الشعبي..
لكني هنا..
سرقت نفسي بعيدا..
عن همهمات الميول..
لأقرأ ما راق لك..

ودي للشتاء..

[علي الخالدي]

قصيده رائعه ومعبره
شكرا الشتاء كلك ذووق بالغالي