تولعت بك والله كتب لي على فرقاك

[Jathmi]

الأمير سعود بن بندر

تولعت بك والله كتب لي على فرقاك
حسيبي على الحظ الردي كانه أشقاني

أنا ما شعرت أني مع الناس قبل ألقاك"
ولا ذقت لدنيا طعم قبل تلقاني

ولا كنت أحس بلوعة الحب قبل أهواك"
ولولا عيونك ما كتبت أجمل ألحاني

سقا الله ليالي خالده عشتها وياك"
بدرب الحويه بين عشب وغدراني

تذكرت يوم أقبلت كنك تحسب خطاك"
تمايل بعود نايف الطول رياني

وترفع طرف ملبوسك الضيق بيمناك"
وشلال شعرك تنثره فوق الامتاني

ترى اللي يسليني عن مشاهدك ذكراك
أنا مستحيل أنساك أخاف إنت تنساني

****

[Jathmi]

هب هبوبٍ الشمال

عديت فى مرقب والليل ممسيني"
فى ديار غرب ياعل السيل ماجاها

أضحك مع اللي ضحك والهم طاويني"
طيات شنون العرب وان قطروا ماها

وراك ما تزعجين الدمع ياعيني"
على هنوف جديد اللبس يزهاها

هبت هبوب شمال وبردها شيني"
ما تدفى النار لو حنا شعلناها

مايدفى الا حشا مريوشة العين"
والا عطشنا شر بنا من ثناياها

ياعل من لامني يعطى عمى العين"
والا بشلفا على الفخذين مبراها

عله فقير حقير وراكبه دين"
وأتلا حلا له ذلول راح يطلاها


****

[Jathmi]

سم حالي فراقه ... فهد بروسلي

سلموا لي على اللي سم حالي فراقه"
حسبي الله على اللي حال بيني وبينه

قايد الريم تاخذني عليه الشفاقه"
ليتني طول عمري خاتم فى يمينه

أه وا قلبي اللي راح مني سراقه"
تل حبل الموده وانقطع فى يمينه

بالهوى طاح ما بالراس عقب الحماقه"
اتشهد واسمي لا خزرني بعينه

والردايف تشيل الثوب عن حجل ساقه"
مثل برق تكاشف لا كشف عن جبينه

زاميات نهوده يوم زرر شباقه"
مثل خوخ مخدد توهم قاطفينه

لا ذكرت الليالي اللي مضت والصداقه"
عود القلب يرجف مثل رجف المكينه

عقب ما هو نديمي صار شوفه شفاقه"
الله اقوى على اللى عشر واربع سنينه

اشتهى عشرتي وانا عشقته عشاقه"
فى زمان مضى واليوم ويني و وينه

*****

[Aramco]

;) ;) ;)
تسلم ويسلم راسك

:rolleyes: :rolleyes:
:rolleyes:

[ابن الوطن]

يعطيكم العافية على مشاعركم الطيبة

[Jathmi]

ارامكو & ابن الوطن

اكيد اعجبكم البيت هذا

زاميات نهوده يوم زرر شباقه"
مثل خوخ مخدد توهم قاطفينه


شاكرين مروركم

[Al Aslami]

بارك الله فيك