عبايه المفتوحة والساق طالع

[كحيلان]

اعذروني ع العنوان بس كنت احاول اقرب الموقف

قبل كم من سنة كانت موضة العباية المخصره والمطرزه وماشاء ماتخلي لون الا وتحطه

وكان المجتمع ينتقد هذه الموضه ويستنكرها بحكم انها ماتناسب لا دين ولاعادات





والحين انتشرت ظاهرة غريبة

تلبس برمودا ولاتنورة قصيرة وياليت تسكر العباية

الا لازم تطلع ساقها



اتمنى اعرف شنو هدفها من هالشي وبعد تمشي بكل ثقة




واللي يقهر لو احد طالع فيها بنظرة استغراب تطالع فيه بنظرة احتقار وكأنك غلطان عليهابالنظرة





والمشكله بعد اذا تعرض لها احد الشباب قامت تسبه انت قليل ادب انت مو متربي .... الخ ..



طيب اذا اهو قليل ادب انتي شنو تطلعين ؟؟

انتي ماحترمتي نفسج ولا حشمتي الموجودين بالمكان




والشي الثاني اللي استغرب منه ..

وشلون هالبنات يطلعون من بيوتهم بهالشكل؟؟




الاهل وينهم ؟؟ مايشوفون بناتهم ؟مايشوفون وشنو لابسين ؟؟




اوكي خل الاهل على جنب ؟؟ البنات وشلون يرضون على نفسهم ؟؟ نسوا العادات والتقاليد ؟

نسوا انه عيب ؟؟ وين الوازع الديني؟ وين الخوف من الله ؟





كل هالاشيا صارت عاديه بالنسبه لهم ؟؟؟




عموما ماراح اطول عليكم ..

بس الموضوع شدني حبيت نتناقش في هالمووضوع واعرف رايكم فيه .

[فتى الغربية]

بعض البنات ماخذين الشغله انها موضه وتقليد وبس وماهي داريه وش السالفه ماغير تقلد فلانه وعلانه ومثل ماتفضلت اذا طالع فيها الواحد تناظره بنص عين بنظرة احتقار وكأنها محشمه نفسها وليت هالبنات يدرون ان العباية تستخدم للستر وليس للفت النظر فالمرأة التي تلبس عباية على الرأس ومحتشمه ومحترمه نفسها أتحدى أي شاب يطالع فيها غير اللي جايه تفتن الناس ع الفاضي والمصيبة بعضهن على ماقال المثل ( ياما تحت البراقع ضفادع ) أنا بصراحه أحس ان البنت الناقصه هي اللي تسوي هالحركات عشان تحسس نفسها انها حلوة ومميزة و...... الخ
بس الشرهه على الأهالي اللي يرضون على بناتهم الخروج بهذا المنظر قدام الناس ...
أسأل الله لهن الهداية والصلاح
مشكور كحيلان على طرح الموضوع المهم

[جبران سحاري]

هذا من التعري الذي رحبت به دعاوى التطور و(الموضة) والنساء لا يتورعن عن (الموضة) وإن كانت عارية، والعياذ بالله ما لم تجد الحزم والكسر من أهل الدين !!
ما جاءنا من الغرب رحبنا به: ((لتتبعن سنن من كان قبلكم حذو القذة بالقذة حتى لو دخلوا جحر ضب لدخلتموه)) قيل: اليهود والنصارى؟ قال: ((فمن؟)) متفق عليه .

[جداوى غير]

لاحول ولاقوة الابالله اللهم احفظ شبابنا وبناتنا ولكم تحياتى:7_6_8[1]: