أهلا وسهلا بك ضيفنا العزيز, انقر للإطلاع على إرشادات الإستخدام . وفي حال رغبتك فبإمكانك التسجيل
ايضا ليتسنى لك التمتع بمزيد من خدمات المنتدى. علما بأنه متاح لك حاليا تصفح المواضيع والردود المطروحة في الأقسام أدناه.
قولولها .. أن كان فعيونها شر ّ = فأنا على ما قيل ّ عجلن ب شري
لا لا تناظرلي كذا .. وش على الحر ّ = بدري عليها صغيره حيل بدري
لا هي مجبوره .. ولاني مضطر ّ = ولاهو من طبعي أقدمه عذري
وجهة نظر فعيونها قلتها حر ّ = حتى ولو عيونها حيل تغري
هذا وأنا اللي مابعد جيتها مر ّ = وأشلون قالتلي كذا ؟ ليه ؟ مدري
لا لا تقولون أنها هي تحتر ّ = من الذي قلتها عليها .. ف صدري
وأن كان سبة ّ نظرته لي .. مغتر ّ = خلو (( كنيبر فوق شداده))يهذري
متعجرفه .. متكبره .. وتمخطر ّ = كنها تقول الناس حولي وحدري
المشكله لو هي على الزين ما ضر ّ = مير البلا تفكيرها حيل جذري
قولولها أن كان في بالها .. شر = عزالله أنها جابت العيد .. بدري
والله يا شيخ جبران بحثت عن بيت شعر واحد فيه كلمة النقد لم أجد ؟
اخوي خالد شواف جزاك الله خير على البحث والرد الجميل
وانا شفت بيت في قصيدة نشروها في الجزيرة ولا اذكر الان صاحبها يقول
النقد يبني والمديح مدمر ــــــ الا اذا وفقت في تفسيره
الكلمة الجديدة
الخيل
اخيسلمان سحاري اسمحلي اخرج عن المألوف الخيل والبيداء ,,, واحضر لك قصيده وصفية عسى ان تنال اعجابك والاخوان المتداخلين في كلمة وبيت...
لا لمحت الخيل مسيت شنبي شاقني شوف الحصان اليعربي لنه اجمل خيل من بد الخيول مايقارن به مهجن واجنبي ياحلو خيل الصحابه والرسول امتدحها الله ومجدها النبي وفارس بذاك الزمن فيها يصول لا لمحت الخيل مسيت شنبي والكدر والضيق عن بالي يزول يالسان اهرج ويايد اكتبي وصفي اللي ياعسى يلقى قبول ودي اكتب بالخيول اللي ابي حبها يفرض علي ابدع واقول كن راس اليعربي راس الضبي والعيون وساع بارقها يهول وجبهته ميدان واذنيه طلبي كنها بشخوصها العود النحول والمناخر والصدر مينا دبي والظهر عن متر ما يمكن يطول والحوافر مستديره لولبي وذيله المرفوع يختال ويجول وان رقص مايقهره تل الصبي وان وقف يازين وقفاته ملول رافعن راسه كما الشهم الابي أو كما الطربان لا سمع الطبول وان بغيته للختل جاك يحبي بالحساسه كنه الطيرالجفول بالوفا ماحدن يجاريه يهبي حبه لراعيه اشد من الذلول لجل عينه قامت حروب وسبي ومن جهل بالخيل بالدنيا جهول ذا كلام اللي يحب اليعربي لنه افضل خيل من بد الخيول
اكتب وسجل يالقلم دنياك تمشي بالعكس
اللي توده اليوم يتمنى موتك من امس
ما طولك تفتله خبز انت الجـــــــود وبس
ولو شح بيك الزمن بيده يشــــــربك سم
___________________
اكتب وسجل يالقلم دون همومـــــي للدهر
لاصرخ بعالي الصوت اقوى انا حتى من القهر
وان كان قلبي هفا اعصر قليبي عصــــــــر
ولا يوم اطخن راس ولا اصيح وين اهل الرحم
____________________
اخوي خالد شواف جزاك الله خير على البحث والرد الجميل وانا شفت بيت في قصيدة نشروها في الجزيرة ولا اذكر الان صاحبها يقول النقد يبني والمديح مدمر ــــــ الا اذا وفقت في تفسيره الكلمة الجديدة الخيل
نفع الله بك يا سلمان وزادك من فضله . وصاحب البيت هو الأستاذ علي بن محمد العيسى . وقد نشرت القصيدة بكاملها في (الجزيرة) كما تفضلت . شكراً .
التعليق