Tweet
::: :: 1 ::
كنت قاعد أنا وأبوي عقب الظهر نتقهوى ومن قعدنا وأنا أسمع هاك البعرصي يقوقي وألقط النعلة وأتلفت أدوره أبكتله , ولا لقيته مع إن الصوت قريب . . المهم ما دريت إلا وهو طالع من شطب برجل أبوي !!
:: 2 ::
كان سعد منول يقعد عند بقالة الرميح ... يوم فتحت بندة القديمة بدا يقعد عند بندة ..
عاد سألوه الناس وراك بديت تقعد عند بنده ..
قال : جايتن ترقية
:: 3 ::
سعد يروي قصة مع اميمته يقول :
كانت امي تكنس الحوش .. عاد مر البخاخ حق البلدية
ومع الغبار والدخان .. لقاه تكنس عند نادي العربي
:: 4::
قال سعد لصديقه صاحب البقالة الشهير اللي كانت عيونه تدمع دايم : الناس ياسليمان يعدون القروش كذا ( وبل اصبعه بلسانه ) وأنت تعدهن كذا ( وبل اصبعه بعينه ) !!
:: 5::
قالوا لسعد : أهل بريدة رافعين طلب للحكومة يبون عندهم مستشفى مجانين .
قال سعد : ما يحتاج ,خلهم يسورون بريدة ويكفي !!
:: 6::
توظف سعد في إحدى الدوائر الحكومية , وباشر الساعة ثمان , والساعة إحدعش راح للمدير يقدم يبي إجازة !!
وايضا
أول ما توظف سعد عينوه بالإرشيف يوم راح لقى فيه اثنين موظفين وجيههم شينة , وعلى طول رقى للمدير وقال له : أنتم جايبيننا توظفوننا وإلا توحشوننا ؟!!
:: 7 ::
يقول سعد : كنت راكب مع قريبنا الشايب اللي توه متعود السواقة , وكان يمشي قدامنا واحد بسيارة وفجأة ولع الفلشر ( الإشارات الأربع علامة الخطر ) , وما دريت إلا والشايب احتار وبلش مير يطحل الفرامل ويلتفت علي ويقول : معين يبي يلف هذا ؟!!
:: 8 ::
دخل أحد الاقارب بيتهم وقال لسعد هذا فراش الوالده وين فراشك؟ قال سعد هذا لنا كلنا أمي تنام فيه بالليل وأنا أنام فيه بالنهار!!!
:: 9 ::
وقال : كنت جالس بالبقالة فجاء شخص يبي فحم , قال له راع البقالة : شف الفحم بآخر الدكان خذ اللي تبي منه ,راح ولقى عند الفحم عقرب , وصرخ عقرب عطونا نعلة علشان نكتله ! قال راع البقالة بصوت عال حازم : لا تكتله ! قال : ليش هذي عقرب ! قال راع البقالة : سبحان الله يمكن يجي أحد يبي عقرب !! والمغزى أنه يبيع كل شي .
وايضا
وقال : كنت جالسا عند راع البقالة وفجأة أغمي عليه ! فأسرعت إلى الثلاجة وأخذت قارورة صحة ورشيت على وجهه , يوم صحا وشاف القارورة ,قال : دفعت ريالين حقات الماء !!
منقققول
التعليق