خاطري طاب

[نسيم الورد]

السلاااااام عليكم ورحمة الله وبركاته



خــآطري / .. (طـآب)....!

خلك على صدك ترى خاطري طاب
ودعتك الله / وأبتعد لاتجيني..!!



من صد دون أية عواريض وأسباب ؟
أنهيت حبِ صار بينه وبيني ..!



حد إيش ..لو إنه من أدنات الأقراب !!!
نفسي عزيزة.. والعرب خابريني ..!



ماني عقب فرقاك : عايش بلا أحباب
ولاني عقب فرقاك : عايش حزيني ..



لا ساهرن لأجلك.. ولا الدمع سكاب
من أنت..؟؟ حتى تبكي اليوم عيني .!



أصبحت في عيني.. مثل باقي أغراب
إن رحت والا جيت ما أنت بـ ضنيني !!
وش حاجتي.. لاصرت بالحب لعاب .؟!
حرام أضيع معك باقي سنيني ...



خذها بلا تسويق وأحسب لها حساب .. !!
نهاية المقصود ؟ .. في كلمتيني !



اللي يبي فرقاي.. {قدامه الباب} !
واللي يبيني {فوق راسي وعيني}!

[أبد]

بحر والليـل والاقـدار تلعب بي علـى ماتريد = مثـل مـوجٍ وانا فـوقه سفينه ما بها بحّار
تحاصرني جيـوش الياس ولاني داري التهـديد = تبي تطفي بقـايا حلم وتحرق باقي الاشجار
الا يا مـوج لـو تلعب.. ترى تتعب.. مداي بعيد = ولا يالياس ما استسلم ولـو طوّقت الف حصار
عنيـد الراي في طبعي .. ولا ارضى للفكر تقييد = رفيع الراس ما يخضع.. لغير الواحـد القهّار
انا مالي بدنيـا الـذل ولو عشت العمـر تنكيد = ولا ني عـابد المخلـوق لاجل الجـاه والدولار
ولا لي في زمـان الصمت مدامي معرف التغريد= وانا مالي نظر في وقت يشـوي الصقر بالامرار
انا داري بهالدنيـا قصيـرة والعمـر مايزيد = مصيري راحـل عنها مثـل غيري من الزوّار
ولـو اعطى كنـوزالارض ابتركها واروح وحيد = خسـاره ارتحل عبـدٍ وانا حـرٍّ من الاحـرار
تري مـوت الفتى مرّه .. وذل النفس كالتأبيد = حرام النفس تسجنها وتركض تتبع التيــار
ورب البيت كرّمهـا وبهـا اقسـم ، واذا بتحيد = عن اهل الخير، تتجازى بمصير ابليس ولاشرار
وانا لو لـي بـدرب الجـاه ، ادلّه مايبي تحديد = رسومه بيّنه للعين وضـوح الشمس والاقمار
تدربي الراس ، تبوس الروس ، لو حاقد تكيد الكيد= وتكثر في الجـرايد مـدح ولـو يكتب لك النجار
ودوّر لك خويدم واصـلٍ يشهـرك بالتمجيـد = إذا من صبّ فنجـاله وهـو في حضرة السمّار
ومهما صرت بالعــالي حقيقـه خـادمٍ للسيد= تحمّـل مرمطه وتنهان وتطـرد بآخـر المشوار
زمان البـوم والحصني وتحرر وسط او تعقيد = زمـان اللي ضميره حيّ تايه بين برد ونار
سـلام الفين من طيرٍ هجـر وقته نهـار العيد = لزمانٍ بالوهم عايش وحضاره من ورق صبّار
منقول..
(( رواااااااااااااااااائع التغيرحلوه ))

[فتى الغربية]

نسيم الورد ابدعت في النقل والطرح

شكرا جزيلا لك من أعماق القلب

[نسيم الورد]

مشكوووووورين اخواني أبد وفتى الغربيه ع مروركم الله يعطيكم العافيه