عسى ما زعلتك البارح ؟

[فتى الغربية]

عسى ما زعلتك البارح وزودت الجراح جـراح
عسى مامرت الدمعه على اهدابك مـن اسبابـي

جرحتك من كثر شوقي وخليت الكـلام رمـاح
ولا ادري وشلون ياعمري طعنتك حيل بعتابـي

بدون شـــــعور صدقني تـرا كثـر الغـلا ذبـاح
تعال وشوف بغيابك غلاك وشـــلون سـوا بـي

حرام تغيب من عمري وتعطيني الفراق وشـاح
حرام الدمع في عينـي مناديلـه هـي اهدابـي

غيابك يشغل عيـون الزوايـا وامتلـي اشبـاح
وانا انثر صوتك بقلب المكان وأشعـل ابوابـي

تلفت للأمل دام الرجـا فـي عمـري المــنـواح
اناديلك ولو شرهك ووصولك تقطع اعصابـي

أبيك الجاي من عـمري انا ما ابيـك شـــي وراح
ما دامك أجمل "وآخـر" مادامـك أول احبابـي

ابي ارتاح" ياعمري انا ادري هم تبـي ترتـاح
تعــــال" وقبل ما افــرح تـرا تفـرح بـك ثــيابـي

أحبك "أحبك يابعد عمر الحزن والجرح والأفراح
أحبك " أحبك كثر مانامت عيونك داخل أهدابـي

[أبد]

فتى الغربية &

كلماتك تنحفظ في الصدر وتنضم بقوه

[قمر الزمان]

رووووعه القصيده
يعطيك العافيه

[ملاذ السكون]

كلمات جميله
وابيات رائعه
يعطيك العافيه

[احساس راقي]

الاخ فتى الغربية
انت انسان يتدفق عذوبة
كلماتك
همسك
نبضك روعة احرفك
موسيقى اداءك
كلها تشهد بأنك تجيد اختيار الكلمة
وتنتقي العبارة
وتقطر لحناً شذياً فوق اسطر الجمال
لك ودي ....

[فتى الغربية]

أبـــــد
قمر الزمان
ملاذ السكون
احساس راقي
أشكركم على مروركم العطر