قالوا مهند قلت قلبي محمد

[سلطانة الحب]

بسم الله الرحمن الرحيم

قالوا مهند قلت [ قلبي ] محمد
قالولي يحيى قلت [ روحي ] بسلطآن

كلي وطن لزين ( السعودي ) مجند
في غترته .. في رزته القلب هيمآن

عيني عليه ... وغير زوله مفند
ماعآش من حط راسه بـ قرمان !!

لآقال لي ولهآن وشوقي تجدد
سمي عسى مآشر ترى البآل قلقان

وش لي بحكي اترآك نصه مقلد !!
عيون شهب ورجولة(ن) مالها شآن

وش لي بـ رخوم(ن) كـ خشب مسنّد
شكل(ن) حسن ماله من العز أوطان !!

تميم .. فهد .. خالد .. ياسر .. مؤيد
يآآآآخلق وربي مابين الفريقين شتان !

نظره من عيون ( السعودي ) تهدد
تهز منهو حآول الشين .. أو هان

ثوب(ن) بيآضه بالنقاوه تجدد
وعقال(ن) سواده حآلك الليل فتآن

في بسمته لذه ويسبيني الا عنّد
يجعلك في عزته .. في هيبته حيران

في نخوته طيح عقاله وتوعد
في فزعته قومة شيوخ(ن) وفرسان

أموووت بتراب ( السعودي ) وأردد
يامدور على غيره من الناس غلطآن

ياعسى خطوات ( السعودي ) تسدد
وياجعل ناوي له بالمكاييد خسران

مماراق لي

[دليل القافلة]

سمو الفكر يخلق في الروح شجاعة تأبى التدني والتذلل للهوان

فالمشاعر إنسانية والأخلاق روحانية والأفكار عقلانية والقلوب إيمانية

وستنتهي العلمانية*

لك تقديري وتحياتي,,,,,,,,,,,,,,,
شكرًا س ل ط ان ه*

[فتى الغربية]

سلمت يمينك سلطانة الحب على النقل الاكثر من رائع

ماصدقنا خلصنا من المكسيكيين فرانكو واليخاندرو وطقتهم

طلعولنا الاتراك مهند ويحي واسمر وغيرهم ،،،،،،،،،،،،،،،،،

وبعض البنات الله يهديهم بس

[أبد]

: ونور ولميس .. وبعض الشباب الله يهديهم بس .......

[فتى الغربية]

بصراحه الهدف من وراء هذه المسلسلات واضح ومكشوف لأصحاب العقول الراجحة والعاقله ،،،
يا أبد أنا ذكرت البنات لأن الموضوع يخصهم بالمقام الاول والقصيدة موجها لهم
ولكن هذا لايعني اني مؤيد لنور ولميس وغيرهم لان مايسري على الشباب يسري كذلك على البنات والهدف والقصد واحد ،،،

تحياتي لك