سجل دخولك ببيت شعر

[صفر السفياني]

سألتها الوصل قالت لا تغر بنا*** من رام منا وصالا مات بالكمد
كم قتيل لنا مــات جــوى *** من الغرام ولم يبدئ ولم يعد
فقلت استغفر الرحمن من زللٍ *** إن المحب قليل الصبر والجلد
خلفتني طريحــا وهي قـائلة *** تأملوا كيف فعل الظبي بالأسد

يزيد بن معاويه

[زهرة اللوتس]

يِرْبِكْنِي
رحيل الحلم
وصَحْوَة جرحي المكبوت
ويضنيني .. صراخ الصبر .. إلا من شق أسماعي....!

[الشتاء الأخير]

••
الصدق | لو يجرح . . ترى دايم . . جميل
قسوة وضوح , ولا غموض / يضيّعكـ!
••

[نايف سحاري]

{ الفراشات ملت الزهر لما *** حدثتها الأنسام عن عينيك }

[نايف سحاري]

{ الفراشاتُ ملـَّتِ الزهرَ لـَمَّا * حدثـَتهَا الأنسَامُ عن عينيكِ }

[الشتاء الأخير]

••
يكفي | شموخي وهيبتي قوة إيمان
وأموت عالي .. ودنيتي / ما وطتني!
••

[زهرة اللوتس]

أمـانــه قـــول وش بـقـيّـت لـلـعــذال والأغــــراب
اذا هــذا مـعـي طبـعـك اجــل وش حــال اغـرابــك....!!!!

[الشتاء الأخير]

••
استــر | بجلبات الفرح عورة الجَرح
ما كل من فتش جرُوحك / حضنها!
••

[الشتاء الأخير]

••
القلب (مركب سهر ) والريح تلعبه

والموج مايرحم ذنوبي / وتقصيري!
••

[الشتاء الأخير]

••
يا عسى الدنيـا تمـوت ومـايعـيش إلا {ترابك}
يـا أحبـك وأعشقـك وأهـواك .. وإلا / يفتح الله!
••

[فتى الغربية]

سلمت وقلت لنور عيني سلامات = وش غيًرك ويش السبب ما تبينا


دنق وقال ارجوك إنه العلاقات = شيٍ حصل ماعاد هو في يدينا


قلت السبب قال الليالي غريبات = إنه العلاقه واعتبرنا انتهينا


انا بحبل انسان ماهي دعايات = ارجوك ابعد خايف انًه يجينا


طالعت فيه وهلت العين عبرات = في ساعةٍ غصبٍ علينا بكينا


حاولت اعبر عن همومٍ خفيات = بس الحكي شيفيد مهما حكينا


كتمتهن بالجوف لوهن قويات = راضي على ماصار لو مارضينا


وآخر كلامه قال لي كم كلمات = لاتسيء ضنك في غصبٍ علينا


ولف العباه وراح وانا بحسرات = فرقاًجرت من غير ذنبٍ جنينا


وقفت اخايل غض الأنهاد لحظات = فيهن تهدم كل شيٍ بنينا


وقمت اتذكر كل شيٍ لنا فات = قبل ايتغير بالمحبه حدينا


ياما سهرنا بأظلم الليل ساعات = وياما طلع نور الفجر مادرينا


وياما لنا فوق المراقيب ذكرات = وعلى جبال الزور ياما رقينا


وياما تحملنا الصعوبات مرات = وياما على سود الليالي شكينا


على زمانٍ فات جريت ونات = لو هن على ضلعان مكه تلينا


اقرا الموادع بالقصص والروايات = لاشك ماضنيت بيصير فينا


وارجع واكرر كلمةٍ لي بسكات = ياليتنا عقب البطا ماالتقينا


الــــــــــــــــــجزء الثــــــــــــــــــاني


تكررت عقب البطا والتقينا = من عقب مامرن سنينٍ طويلات


في صدفةٍ فيها حشا مادرينا = ولاهقينا نلتقي عقب مافات


لاشك جابتها الليالي وجينا = رغم الفراق ورغم ذيك المسافات


في موقٍف بان التوتر علينا = لحظه تلين إبها القلوب القويات


قالت شلونك قلت ربك عوينا = الحمد لله عاضني عقب لوعات


الله رزقني في هنوفٍ تبينا = احيت خفوقٍ كان بعداد الأموات


هي نور عيني فرحتي والضنينا = ألقابها عن ظيقة الصدر سجات


قالت سليت وقلت عقبك سلينا = لكن عقب مالاعنا الحب مرات


قالت شلون وقلت لاتسألينا = مافات فات ولا تفيد الحسوفات


قالت تكلم قلت مهما حكينا = الدمع ماينفع عزيزٍاليامات


قالت نسيت وقلت لامانسينا = لكن قنعنا والقناعه من الذات


قالت أروح وقلت وش في يدينا = روحي عسى في كل خطوه سلامات


بصبر على فرقاك مهما حيينا = ولا تشوه صادق الحب زلات


قالت على ماكنت دنيا ودينا = تكرم ونكرم عن دروبٍ رديات


قلت اسمحيلي قبل لاترحلينا = يم الديار اللي علينا بعيدات


تراي ذخرٍ لاحدتك السنينا = اجيك مهما واجهتني صعوبات


من اليوم اخوك وغيرها ما بغينا = كلي فداك ان صار بالوقت ميلات


وتبسمت بإعجاب مدري حنينا = وتهشمت قدام عيني بعبرات


قالت فمان الله قلت انتهينا = واقفت تكلم نفسها بس بسكات


وقفت تقديرٍ لها ثم مشينا = دربٍ مشوه اهل القلوب العفيفات


امشي واردد ليتنا ماالتقينا = وش جابها عقب السنين الطويلات

[الشتاء الأخير]

سجل دخولك ببيت شعر
.
.
.

ما الذي تحاول فعله ياخالد !
أيعقل أن العنوان .. لم تعره انتباهاً

!

[الشتاء الأخير]

••
لا تقول لي : ماعاش منهو يبكّيـــك
عاشوا / وشفهم بالجهر يجرحوني !
••

[Khalil Sahhari]

لا تتواضع للوضيع يضيع قدرك **** ما أنت مجبور على بعض التواضع

[الشتاء الأخير]

••
ليتك إلحالك بها الكون الرحيب
من بني آدم / وأنا الحي الوحيد!
••