Tweet
سافرت ناوي أترك الضيق لحظـات
لقيت طيفك بالسفـر محترينـي.?!
حاولت أببعد عن خيالـك مسافـات
الله حسيبك وين مارحـت فينـي.؟!
غيرك نسيته ماطـرى كـل حـزات
الا أنت دايـم بالدقايـق تجينـي.؟!
ياوجد حالي منـك اّهـات واّهـات
وجد بدوي ضيـع هلـه نازحينـي
أتعبتنـي مابيـن روحـة وجيـات
خليتنـي أصفـق يسـار بيمينـي
حراام تتـرك هالجـروح اليتيمـات
ليه أنت قاسي يالغضي ماتلينـي.؟!
بالليل ساري مع نجـوم المجـرات
والصبح أخبّر حضرتك عن ونيني.?!
عز الله ان حبـك يفـوق الخيـالات
ماغيرك اللي مسكنه وسـط عينـي
بيني وبينك خافي الشوق باسكـات
أخاف اصيح من الوله ياظنينـي.؟!
مالي جدى ماتلحق النفس شرهـات
صبرت ليـن الدمـع بيّـح كنينـي
ملتاع أسليّ خاطري بنظم الأبيـات
ياليتها تصـلاك نـار الحنينـي.؟!
تحياتي
التعليق