اهداء خاص

[جنون انثى]

يعني أعطيك الثقه وتردها بـ<لوي الذراع> :11_12_16[1]:
----------------------------------------------------------

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..



بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..



والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..



وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..



البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..



يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..



وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..



بيض الله وجهك اللي ساتره تحت القناع..
ورايتك بيضا معاي وياعسى عمرك طويل..



يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..



مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..



كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..


جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..



والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..



كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..



كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..



إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..



صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..



إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..



صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..



رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..



لاغدى <مستقبلي والماضي> أطراف النزاع..
وصفحة الماضي سواد وشيء من هذا القبيل..



فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..


وطالما إن الهجوم أفضل وسيله للدفاع..
مستحـــــــــيل أرضخ لو إن الحمل ياربعي ثقيل..



والبخيل اللي نساني وإشترى فيني.. وباع..
يـــــــــــذلف الله لايرده.. والله بجرحي كفيل..




وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..



طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

[شجون]

صرت سيره في حلوق الناس وتالي هالضياع..
أنتحر!!معقول؟؟ يالله وش هذا الغليل؟؟..



رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..



خاطره روووعه

بس صرااحه كلماتها قويه


الله لا يورينا خدااع ولا خيانه

ويبعد عنك الضيقه والهم ويجعل البسمه والسعاده في حياتك


يعطيك العافيه

[جنون انثى]

هلا فيك شجوووونه قلبي
لاضيقه ولاهم حبيبت قلبي
بالعكس انا مبسوووووووووووووووووطه حيل مافيه شي يستاهل اكدر خاطري عشانه
اللي يبقى للانسان ندم على غلطه بحياته ومصيره ينتهي هالندم ويتلاشي كل شي هو هذا حال الدنيا
يعتيك العافيه قلبووووووووووووووووووووووووووووووو
على ردك

[علي الخالدي]

الاخت الفاضله جنون ممكن اعلق على الخاطره؟؟

[جنون انثى]

علق خذ راحتك خيوووووووووووووووووووووووووو

[علي الخالدي]

شكرا على الروح الطيبه يعطيك العافيه اختي

بالنسبه للخاطره
كلمات قويه ومؤثره فيها حزن على الماضي وفيها تفاؤل بالمستقبل
صراحه كل بيت يبغا له وقفة تأمل بس انا اختار هذا البيت وهو الاجمل
بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

هذا هو حالنا دائما نخدع من اناس يخبئون انفسهم في قناع الحمل الوديع وهم ذئاب مفترسه لا تعرف الرحمه
وبالرغم مما يحصل لنا من الغبن والخديعه نضل على طيبتنا ووفائنا وندعي لهم بالخيروالهدايه

سلمتي على هذا الابداع ولا تحرمينا من جديدك
يعطيك الف عافيه

[الدليل التائه]

لا تعليق
الخيانة صعبة
فعذروني يارفاقي

[صدفه]

الله حبيبتي جنووووووووووون
كلماتك رااااااائعه يا قلبي تقبلي مروري دمتي متألقه

[جنوبي وافتخر]

أختي الفاضله/جنون انثي ربي يعطيك الف العافية

[جنون انثى]

الله حبيبتي جنووووووووووون
كلماتك رااااااائعه يا قلبي تقبلي مروري دمتي متألقه

حياك ياقلبي منوره انتي الاروع
انتي التالق
يسعدك ربي ياعسل

[خالد الجحفلي]

كلمات ثائرة ، كرصاصات مندفعة من فوهة مسدس في كف .
----------------------------------------------------
إن كانت من وحي قلمك فأهنئك على إحساسك المرهف.
وإن كانت مما راق لك فيا حبذا التنويه بذلك.

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

بس أنا ماني بخيل؟

دمت دوماً بخير

[جنون انثى]

كلمات ثائرة ، كرصاصات مندفعة من فوهة مسدس في كف .
----------------------------------------------------
إن كانت من وحي قلمك فأهنئك على إحساسك المرهف.
وإن كانت مما راق لك فيا حبذا التنويه بذلك.



حياك استاذ خالد... الكلمات طال عمرك من وحي قلمي...بس ماهي ناتجه عن غضب..ناتجه عن حيره واستغراب من شي لم يكن في الحسبان فقط



بس أنا ماني بخيل؟ طالما كان السبب في قوتي.. قبل الوداع..
بلغــــــــــوهـ أقل شيء بخالص الشكر الجزيل..

هذي اجابة السؤال


دمت دوماً بخير

ياهلا فيك استاذ خالد منووووووور

[خالد الجحفلي]

بس ماهي ناتجه عن غضب..ناتجه عن حيره واستغراب من شي لم يكن في الحسبان فقط

كل هذه القذائق والهجوم الكاسح ناتجة من حيرة وإستغراب فقط !
يا ساتر..
طيب كيف لو كنت غاضبة ، تقلبيه محشوش؟
ما أقسى قلوب بعض البشر.

[عاصم سحاري]

الأخت العزيزة جنون أنثى
قصيدة رائعة
ولكن لي عليها ملاحظة بسيطة
أرغب في مناقشتها معك
وليس من المناسب المناقشة العلنية هنا
فما هي الطريقة المناسبة لذلك ؟
رسائل خاصة
إيميل
جوال
حددي ولك مني الشكر مقدماً .

[جنون انثى]

كل هذه القذائق والهجوم الكاسح ناتجة من حيرة وإستغراب فقط !
يا ساتر..
طيب كيف لو كنت ة ، تقلبيه محشوش؟
ما أقسى قلوب بعض البشر.

حلللللللللللللللللللللوه محشوش>>>>>>>هههههههههههههههههههههههههههههههههه


ماراح اخليه محشوش لا لا لا بخليه شاورما بس

ايه والله انك صادق ماقسى قلوب بعض البشر لو احنا زييهم قاسين كنا ارتحنا زيهم بس ربي خلقنا
لينيين مره