Tweet
ودي أقول ومستحي مـن هبالـي
الله وأكبـر يـازمـانٍ مضـالـي * ماهمت الدنيـا عـذاب الغراميـل
عصرٍمضالي بين حُمـرٍ طوالـي * ضلعان فيهـا للفرايـس مداهيـل
الله يامحلـى هـذيـك الليـالـي * اللي بهـا كنـا نجـر المواويـل
في مجلسٍ بالحيل جـوه صفالـي * أسمع واسولف من علوم الرياجيل
بنٍ.. وهيلٍ.. والحطـب والدلالـي * وجمرٍ على ضوه نسوق الفناجيـل
وبعزومنا نرقى على كـل عالـي * ومن فضل ربي كل إبوها تساهيـل
وأركض مع السحقان والقلب خالي * ماجاتـه الدنيـا تسـوق البهاذيـل
واليـوم ياحالـي وياحـال حالـي * قامت تصافقبي هبـوب الغرابيـل
ودي أقول ومستحي مـن هبالـي * مير اسمعو لو صرت شيخ المهابيل
عقب الشمـاغ ولبستـي للعقالـي * البطن ضامر من حـزام البناطيـل
وعقب السوافي والحصى والرمالي * تمسح خدودي ناعمـات المناديـل
وعقب المكيف أصبح الجسم بالـي * وتحلحلت فيني جميـع الصواميـل
وعقب الميرنـدا برطـم برتقالـي * ومن أولٍ مدهـال للبـن والهيـل
ومليـون مـره ياهلـي هُمّلالـي * عشاي همبرقر عقب فطّح الحيـل
ومن لامني في حب شيءٍ هوالـي * أقول لـه مالـك عليـه مداخيـل
جسمي بنجـدٍ والعقـل بالشمالـي * بديار عُربٍ كـل أهلهـا حلاحيـل
فيها الحيـا والصيـد وأم العيالـي * وجماعـةٍ معهـم تزيـن التعاليـل
عِمان لي فيهـا وربـع وخوالـي * يالله تسقيهـم مـزون الهمالـيـل
وتسمع فحيح الصدر لامن طرالـي * دغـداش والا ظـم راع المقاييـل
يعجبك في ضمٍ عن النـاس عالـي * وإنه حمايه للوطن مـن سرائيـل
للشاعر عبدالرحمن بن عيد
التعليق