Tweet
السحر الحلال
''''''''''''''''''''*
حبك كبير .. وحب ربـي لـي اكبـر
اللي عطاني حب قلبـك والاحسـاس
أختارني لك وانت لي شـيء مقـدر
ياحظ من يحظى بمثلك مـن النـاس
أنا أشهد انك غيـر مظهـر ومنظـر
سبحان ربي كمّلك جوهـر ألمـاس
بريق حسنـك فـي عيونـي تبختـر
يا لابسٍ تاج الحلا وصـف وقيـاس
متربـعٍ عـرش المزاييـن تسحـر
غـدى جمالـك للمخاليـق نبـراس
مالك وصيف وعندك الخلـق تفقـر
غناك طهرك قدر عالـي ونومـاس
حسنك طغى من حقك اليـوم تفخـر
يا ملفت الانظار في ليـل الاعمـاس
أنت القمـر سـوّاك ربـي وصـوّر
وكل النجوم اللـي حواليـك حـراس
أشرقت لـي لا قـدر الله بـك شـر
غديت من نظرة قتيلـك وبـي بـاس
الحـب نظـرة والمشاعـر تفـجـر
يفيض لك من مهجتي شعر حسـاس
غنيت لك والشعـر غنـى و سطـر
ترجم مشاعر شاعرك وسط كـراس
أكذب عليك ان قلت ما أحبـك اكثـر
حبك ذبحني عشق يا غصن ميـاس
أسقيتني ترياق سحرك وانـا اشكـر
سحر الحلال اللي غلب كل طلمـاس
كيف أوصلك كانت مع الحلـم تكبـر
تكبر ويكبر معك همك فـي الـراس
كيف املكك أحساس أني بـك اجـدر
إرتحت لك إحساس ما خالطه يـاس
كنـت أمنيـة اضمـهـا واتصـبـر
اسقي ثراها شوق وأشرب من الكاس
أحلم بها صاحـي ونايـم .. وأفكـر
باللي حصل لي وكيف خالطت الانفاس
مشتاق لك ولكل لحظـة بـك تمـر
يا أجمل من اللحظه ومن كل هوجاس
مفتون بـك مجنـون دايـم اهستـر
الناس تسمعني وانا ما اسمع النـاس
التعليق