تغريدة
مافيه داعي تهلّ الدمع من شااني
بكره يقولون ليه يالـحبّ بكيّته
انا تمنيّـت تذكـرني وتنسااني
وانته ياليتك تمنّى اللي تمنيّته
رسايلك جااات بين اسمي وعنواني
وتعلقت بين ضيعته ودليته ؟؟
بعض البشر لو يدورني مـا يلقااني
وبعض البشر لو يجاذب سيرتي جيته
لا تنشغل خلني يـا سيـد خلاّنـي
استسمحك وقتي اللي معك قضيّته ؟
قول لي ( ؟ )الحلم خلّيته وخلاّاني
او قول بالعكس خلاّانـي وخليّته ؟؟
ياسيـفي ودرعي وخيلي ومـيداني
البيرق المنكسر لرضااك رزيّتـه ؟
اموت مـن ضيقتي مير الله احياني
وجوارحي نـوب لا حيّـه ولا ميته
رغم اني اعاني من الوقت مـا اعاني
مسحت صبري على جرحي ودااويته
فرشت لك قلبي وشلتك وسط وجداني
وارتحت في قلبي المـفروش واذيّتـه
في ذمتك لا ترااودني على اجنااني
وصلت حدّ الجناان ولا تعديّتـه
وان قلت وش جاك مدري منك وشجااني
مغـير مديّت لك كفيّ وعضيّتـه ؟؟
ماعاد مع راسي الا روس جنحااني
والريح لاهبّ مع طاريك هبيّته
اسمح لي اجر صوتي واسحب الحاني
والشعـر لا ضقت غنّااني وغنيّته ؟
العام 00 انا مبتلش في عقدة الساني
واليوم 00 انا شاعرن ما ينهدم بيته
ومافيه داعـي تهلّ الدمع من شااني
بكره يقولون ليه يالحبّ بكيّته
التعليق