لا ، لا تسب الوقت

[الطائر المهاجر]

لا...لاتسب الوقت وتقــــول غدار****افطن بناسه اصبحوا مثل الاغـــــراب

الوقت واحد نعرفه من مننا اصغار****نفس القبايل والقرابه والانــســــــاب

اول نعرف حقوقه الضيــف والجــار****واليوم واحدنا وراه أقــفــل الــبـــاب

اول نقول اللي كذب يدخل النـــار****واليوم من يكذب رومــــانسي وجـــــذاب

اول ترى ضـــحكاتنا تمـــلا الــــدار****مابين اخوانا واهـــلنــا والاصــحــاب

واليوم ياساتــر تــقــل بننا ثـــــــار****وليــا تقابلنا بــس زعـــلات وعــتــاب

اول صراحه ما دخلت بينــنا اسرار****وان غاب احدنا نسال فلان ليــه غـــاب

واليوم نجهل وش حصله وماصــار****بس بالاسم اخوان والصـــح أجـــنـــاب

صرنا مثل كيرم لو حبوبها كــثـــار****بس بالنهايه مايبقى غيــر مــــضـــراب

والاكما العـــاب يلعــــبها صــــغـــار****وليا طفشوا منها احذفـــوها بــــــدولاب

ليه القلوب تغيـــرت صابها انكــــار****ليه العواطف مالهــا عندنا حـــســـــاب

عرفت ليه مانقول للوقـــت غـــدار****وش جاب ناس اول للحـين وش جــــــاب

[علي حريصي]

العيب فينا نحن وليس في الزمان
اصبحت الأمور كلها عكسيه الله المستعان



مشكور

[الحسام]

موضوع جداً رائع

الله يعطيك العافيه

تقبل مرووووري

[الطائر المهاجر]

علي الحريصي
الحسام
مروركم الاروع مشكورين
تحياتي للجميع

[عابد]

الطائر المهاجر (أبو رائد) كان اختيارك للموضوع ( القصيدة ) اختيار جميل
يعطيك العافية

[الطائر المهاجر]

الطائر المهاجر (أبو رائد) كان اختيارك للموضوع ( القصيدة ) اختيار جميل
يعطيك العافية

شكرا لمرورك الجميل
واعتذر عن التقصير
المؤت يا ابو احمد