وقف ولا ترمي وداعك بالأعيان محتاج أنا لذرة أمل في سنيني

[الطائر المهاجر]

وقف ولا ترمي وداعك بالأعيان
محتاج أنا لذرة أمل في سنيني
هذي تفاصيل العمر وسط الأجفان
واصور واماكن في عيوني تجيني
والله من تطري وسط عمر الأحزان
كل الفرح من لون وجهك يجيني
مثل المطر يركض على الأرض ولهان
هذا إنت دايم بالوله محتويني
يكبر غيابك لو كبر وسط الأشجان
يكبر معه في شوق عمري حنيني
الماي في قلبي من الشوق كثران
صبيت دمعي وشفت قلبك بديني
قلت أحضنه في وسط اديني على شان
مايلمس أطرافه حزن من ونيني
حتى ولو أخترت فرقاك عنوان
يكفي بديني قلب عمرك يبيني
ماهي حكاية إنت رابح وخسران
أو هي حكاية ياأبيك وتبيني
المسألة روحين في داخل انسان
شفتك رحلت وشفت روحك في عيني
غمضت أرد الروح من خلف الأجفان
عشان أصدق كذبة إنك تجيني

[ملاذ السكون]

ماهي حكاية إنت رابح وخسران
أو هي حكاية ياأبيك وتبيني
المسألة روحين في داخل انسان
شفتك رحلت وشفت روحك في عيني
غمضت أرد الروح من خلف الأجفان
عشان أصدق كذبة إنك تجيني

رائعه والله الطائر هي لك اذا لك اسمح لي بقولك انت شااعر

[علي حريصي]

رائعه تلك الكلمات يتناثر فيها الاحساس من كل جانب تتبعثر المشاعر فيها من زخمها ومن جنونها حقا جميله تلك الكلمات سلمت اخي العزيز ...