مشروبات غريبة أولها البيبسي الأبيض

[أميرة]

بسم الله الرحمن الرحيم


اللحين ليش في أشياء ما تنباع في البلدان العربية ..!
يعني حدنا جالكسي وتويكس وباونتي واذا ابدعنا صار مارس ..

حتى البيبسي وهو بيبسي له انواع ..لوول ..
تتوقعون ليه ما تجينا هالاشياء..
يمكن لأننا ما نقبل التغير بسرعة ..! او ما نستسيغ الأشياء الغريبة ..

طيب نبدأ ..
بمنـتجات البيبسي ..موجودة في اليابان بكـمية محدودة ..

بيبسـي الخيار المثلج



لكم أن تتخيلوا انه ما يحتوي على الخيار بس لون ونكهة ..
لونه حلو ..
الله اعلم عن طعمه ..

وكمان في اليابان طلع عندهم ...


البيبسـي الأزرق




ما شاء الله سمعة الهلال واصلة اليابان لوول<انواع الاشاعات ..

لالا الصدق انو ..
البيبسي الأزرق هذا "بيبسي هاواي الأزرق" كذا اسمه الكامل ..

وطعمه بالأناناس والليمون ..
البيبسـي الأبيض



هذا عكس البيبسي حقنا الاسود ..
برضو في اليابان هذا اجدد شيء نازل ..ولفترة محدودة ..
مكتوب عليه بطعم الزبادي والبيبسي ..
الزبادي عند أهل مصر اعتقد اللبن الرايب..

وبالنسبة لطعمه بقوله زي ما ذكروه الناس..
انه مافي احد حتى اللحين طلعه من فمه بقرف ..يقولون طعمه ما عليه كويس ..
فيه طعم الليمون و الفانيلا و كريمة و صودا خفيفة ..
وناس كثير يقولون ما حسينا بطعم الزبادي وانه الغريب مافيه طعم قوي للكولا..
مدري حسيته طعمه مش ولابد من هالكلام ...

وقبلها كان في نوعين ..

البيبسـي الأحمر



طبعا هذا موجود في اليابان تقريبا من سنة 2006 ..ويعطي لون للبيبسي احمر بس ..

انباعت نسخة تقريبية منه فترة في أمريكا تحت هالاسم Pepsi Holiday Spice
بيبسي بهارات الأعياد ..

تخيلوا ..أيش طعمه أي بهار بالضبط ..!

الزنجبيــــــــــــل ..!!!

بيبسي وزنجبيل متخيلين الطعم ..!!


البيبسـي الذهبي

مجرد لون طلعوه ايام فيفا 2006 عشان الكورة ..
يعني طعمه زي طعم البيبسي ..

وفي انواع كثيررررررررة نزل عندنا واحد منها اللي هو بيبسي بالليمون وقطعوه من السوق ..
وفي كمان "البيبسي الطبيعي" ..كل مكوناته جاية من الطبيعة تخيلوا مافي شيء صناعي بداخلها ..


عارفين حتى الشوكلاتة ..لها أنواع كمان ..

عندنا M&M's ..
هذا النوع من الشوكلاتة الغامقة ..



لون الكيسة بنفسجي ..
نفس اللون , و نفس العدد , ونفس شكل
لكن الطعم مختلف ..
وفيه 240 سعره حرارية ..


اوكي النوع الثاني ..

حبات الشوكلاتة الهشة بنكهة النعناع ..



هنا الكيسة لونها اخضر ..
اللون اختلف , ونفس العدد , وشكل الحبة نفسها ..
والطعم اكيد بالنعناع ..
وفيه 200 سعر حرارية ..

احنا عندنا البني , و الأصفر , وفي واحد نزل قبل فترة حااااااااااااااامض مرة مرة مرة حامض طعمه مرة مو حلو ..بس يعجب الأطفال..

لوول حتى السنتوب له أنواع ..



انا اتذكر ما كان متوفر منه الا بطعم البرتقالة و كمان الكولا ..

معليه في حاجة قلت لازم اوريكم اياها ..
عارفين الـcupcake الكعك اللي على شكل اكواب..

هذا فن ..هذه صورة من مطبخ ياباني ..
كيف سووها بطريقة فنية مرة ..



يمي ..يمي .. !!

كمان برنقلز ..
عندها عصى من حبوب القمح المقرمشة ..



ع فكرة انا ألقى ببعض السوبرماركتات ..
البرنقلز اللي مافيه سعرات حرارية كثيرة ..
وكنت اكلها وانا ضميري مرتاح ..
إلين شفت برنامج الأطباء اللي يجون على mbc4
يقولون لا تصدقون المنتجات مهما بلغت شهرتها
وانه اللي يكون مكتوب ورى العلبة مو دايم صحيح ..!!!!!


ووو بس ان شاء الله الموضوع يعجبكم ..

أميرة الأمورة

[مرهف الاحساس]

يسلمووووو

الله العالم ليه ما يسمحوا بوجودها هنا ..

بس اكيد لسبب وجيه


بانتظار جديدك..

[أميرة]

شكل البيبسي العادي مغطي إيراداتهم عشاء كذا ما فكرو في طرح أنواع أخرا عندنا
تسلمم يالغلى على مرورك المعطر يامرهف
أميرة الأمورة

[Ghaleb Sahary]

يمكن السبب انه مصانع سوق البيبسي الاسود عندنا الحين سوقها ماشئ وخايفين يسوون تحديث لمصانعهم ويبلشون فيها، وبعدها لا ابيض ولا اسود
عارفين الجودة شئ مهم جداً جداً في الانتاج
وقد يكون السبب هو ان المادة الرئيسيه محرمه او باهضة الثمن ما من وراها مكسب مفيد
تقبلوا تحياتي ولكم شكري وتقديري

[علي الجريبي]

نصيحة لوجه الله تعالى لا تشرب البيبسي والكاكولا وأخواتها لو علمت بتأثيرها على صحتك لم تقربها

[السحاري]

مشكوره بس يمكن هذى النواع عليها اظافات أخراء دمتى بخير

[غلا المدينة]

بالعكس كل شي متواجدعندنا في المملكة
الحين لمن تروحين سوبر ماركت تلقين
انواع التونة والزيت واشياء ثانية بعد ياكثره من المحلي والمستورد
بعكس دول الخليج بس محلي
وامكن انواع البيبسى ما هي صحية عشان كذا ما نستورد
اذا البيبسي الاسود ماهو صحي لي الكبار والصغار
فما بالك بي الملون اسفة ع المداخلة الطويلة
ويسلمو ع الطرح