قـالت وقلــت

[السحاري]

قالت...( أنا شاعرة...!)
قلت ... والله...؟!
قالت ...( إيه )
قلت ... يالله...
قالت...( أيش...؟! )
قلت ... قوليلي قصيدة...!!
عضت إصبعها الغضيض...
وضحكت...
قالت ...( أنا شاعرة نحوك شعور يعني ماني شاعرة قصيد! )
قلت أحلى... ثم أحلى... ثم أحلى...
يالله قوليلي شعورك...
قالت...( آه... )
قلت... يكفي... بس...
هذا هو أحلى جواب... وهذا هو أحلى الشعور
ناظرتني وضحكت... ثم نزفت من شفاياها شعاع وفاض نور
قالت...( إش رايك بشعري...؟! )
قلت... شعرك...؟!
قالت... ( إيه...!! )
قلت... أسمع...!!
قالت ( إن كانك سمعت...يالله قول... )
قلت... أقول...؟!
قالت... ويش أقول...؟!
أول أسمع ثم أقول...!!
قالت... ( إش تسمع حبيبي...؟!! )
قلت... أبي أسمع شعر...
أنتي قلتيلي إش رايك بشعري...؟!
لازم أسمع ... ثم أقول...!
ياحياتي لضحكها يوم ضحكت...!!
ثم قالت... قلت وش رايك بشََعّري... مو بشِعري...
يعني وش رايك بهاالشعر المنتثر فوق الكتوف...؟! )
قلت ...يووووه
قالت... ( يكفي بس هذا أحلى جواب ياحلوا هذا الجواب...! )
ركزة بعيونها لحظة...وضحكت...
وناظرتني يابعدهم
ثم قالت ...(قل لي... القصة تشدك...؟!)
قلت... أكيد...؟!
بس روأيات قصة
قصة غير...وقصة غير...
وفرقهم طبعاً كبير...
قالت ...( أقصد قصتي...!! )
قلت... قصدك قصتك...؟!
قالت ...( إيه...!! )
قلت أنا أيات قصة...؟!
لك كتابات...؟!
لك قصص...؟!
أو خواطر...؟!
أو روايــة...؟!
ودي أقرأ لك قبل...
وأبشري...بعدين أقول...
قالت ...( إش صاير حبيبي...؟!
أي قصة أي رواية...؟!
أنا قصدي قصتي...
شكل شعري...
غرتي الحلوة...الجميلة...!!
قالت ... هاااه...فهمت...؟! )
قلت... يووووه...
قالت...( يكفي بس هذا أحلى جواب
ياحلو هذا الجواب...!!)
وناظرتني وسألت... إيش صاير لك حبيبي...؟!
شاردٍ ذهنك بعيد...!!
ليش ما تركز معاي...؟!
كل ما أسأل سؤال...
تجيب لي ذاك الجواب...!!
أنا أتكلم شمال... وأنت تتكلم يمين...!!
قل لي وش صاير فديتك...؟! )قلت...مدري
قالت...( إلا فيه شيء بس ماتبغى تقول...!!)
قلت...يعني ماعرفتي ليش أنا عندك كذا...؟!
قالت( أقسم لك حبيبي ما عرفت...!! )
قلت ... قومي... أنا أوريك الجواب...
آه...
يوم قامت...قلت شوفي بالمراية...
ناظرت فيها وقالت... ( ذي أنا...!! )
قلت عارف الجمال اللي تشوفينه على سطح المراية
هو سبب هذا الشرود...
ركزي لحظة ، وقولي لي ركزت...
ثم ركزت...
ثم ركزت...
وناظرتني...وضحكت...
ثم قالت... لاوربي ما ألومك...
ياحلو خصري...وخدي
ومايسٍ بالحيل قدي...
ياحلو ضحكة شفاتي... يووووه ...
وشوف جيدي...!!
يشبه لجيد الغزال...
لاحشى...يخسى هذاك الغزال
إبصراحة
مايلومك من يعرف العلم
وأنا أعرف العلم والله
وما ألومك .. يا حياتي .. ما ألومك

منقول

[أمير الصحراء]

جميلة يالسحاري
سلمت يد ناقلها
دائما ما تتحفنا بجديدك
يعطيك العافية
ننتظر جديدك


أمير الصحراء

[السحاري]

اشكرك أمير الصحراء على المرور تحياتى لك دمت بخير

[محمد اليحيى]

نقل جميل يا سحاري وفقك الله

[جارة الوادي]

نقل رائع
نثرا يحمل خيال بريئ
يعطيك العافيه

[السحاري]

اشكركم جميعاً على المرور تحياتى لكم جميعاً دمتم بخير

[النمري]

نقل موفق وكلمات رائعه ولكن يبقى الناقل الاروع

تحياتي لك ابو احمد

[السحاري]

النمرى اشكرك على المرور تحياتى لك