اجمـــــل 40 بيت شــعر

[حسين الخبراني]

اجمـــــــــــــــل 40 بيـــــــت شـــــــــــــــــعر




القصيده




1- سبحان من يرزق بتوع الملاييـن

الرازق اللي ما يخيب الرجـا بـه-

2- لي عم عنده معـرضٍ للصواليـن

أموت واعرف بس من وين جابـه -

3- وإذا سألته قـال بعـت الدكاكيـن

ما يدري إني ما هضمت الإجابـه -

4- الشاهد إني رحت له قبـل يوميـن

في قصره العامـر ودقيـت بابـه -

5- قال ارحب ارحب عدّ ورد البساتين

يا مرحبا باللـي لفـا يـا هلابـه -

6- قلت البقا عـدّ النفـل والرياحيـن

يا شيخ شمل اهل الكرم والذرابـه-

7- قال اسلم الله يحفظك لي من العين

وآمر أوامر حضرتـك مستجابـه -

8- قلت الصراحة طالبٍ قرب غاليـن

ودي تزوجنـي كريمتـك يـابـه-

9- ثنّى وقال اهليـن والله وسهليـن

والكون ترخص لجل عينك رقابـه -

10- لكن ترا عندي شـروط وقوانيـن

قلت اشرط اشرط يا حبيب الغلابـه -

11- قال أولاً مهر العروسـة ثمانيـن

غير الرسوم وغير حق العصابـه -

12- والثانية عمك يبي منـك سبعيـن

رسم الأبـوّة والنسـب والقرابـه-

13- والثالثه ابي منك ســـتـــيـــن

عشانها ست الحسـن والمهابـه -

14- واخوانها كلن يبي منـك خمسيـن

عداً ونقـداً تنـدرج فـي حسابـه-

15- وخواتها الخمس اعطهن من ثلاثين

عشان تتوثـق عـروق النسابـه -

16- وتجيب طقم عيار واحد وعشريـن

وخاتم من الماس المصفى ترابـه-

17- واكياس متروسة كعوب وفساتيـن

ألوانهـا واشكالهـا مـا تشابـه -

18- وموتر بسواقـه وفيـلا بدوريـن

أثاثهـا مـن بطرتـه ينحكـابـه -

19- واحجز لنا قاعة بقصر السلاطيـن

واحجز بهـا رقاصتيـن وربابـه -

20- وامنع دخول اهل اللحى والبزارين

واعزم أميـر المنطقـة بالنيابـه -

21- هذي الشروط اللي على بالي الحين

وذكرني اللي ما حسبنـا حسابـه -

22- قلت اذكر الله يا عـدو المساكيـن

واستغفـره لا يبتلـيـك بعـذابـه -

23- الظاهر إنك منت عارف أنا ميـن

أنا لو ارقا فـوق متـن السحابـه -

24- ما جبت حتى نص درزن مواعيـن

واضحك بكيفك واعتبرهـا دعابـه-

25- شروطكم هذي شـروط المجانيـن

شروطكم شغـل ابتـزاز ونهابـه -

26- شروطكم تقصم ظهـور البعاريـن

تذبح بنات المجتمع مـع شبابـه -

28- وين الرضا والعطف واليسر واللين

اللي ذكرهـا الله بمحكـم كتابـه-

29- وين الصفات اللي أمرنا بها الديـن

وين اختفى نهج النبي والصحابـه -

30- يا عم جعل اللي خلقنا من الطيـن

يرد عقلك مـن خطـاه لصوابـه -

31- ويجعل نصيبي عند غيرك قل آمين

ويحسن عزا الصابر ويجزل ثوابه -

32- قال انت لو فكرت تفكير صاحيـن

ما شفت في مجمل شروطي غرابه -

33- حنا بعصـر العولمـة والمزاييـن

ماهوب عصر الفلسفة والخطابـه -

34- الناس تسعى للرتـب والنياشيـن

وانت اهتمامك بالشعـر والكتابـه-

35- والشعر ما ينفعك لو هو دواويـن

ما دام جيبك مثـل بيـت الخرابـه -

36- يا بوك لا تسمع كلام المصاخيـن

واسأل مجرب عاش في وسط غابه -

37- قلت الله اكبر يا محـرر فلسطيـن

من يسمعك يحسبك ذيـب الذيابـه-

38- تراك شايب راس مالـك رياليـن

والبنت ما تسوى جنـاح الذبابـه -

39- قال انقلع مالت على وجهك الشين

لا عاد اشوفـك عندنـا يالزلابـه -

40- قلت ابشر ابشر لكن الباب من وين

واقفيت من عنده على صوت بابـه-

ـــــــــ بوح المشاعرـــــــــــــــ ــــــــــــــ بوح المشاعرــــــــــــــــــ


هذا وتقبلوا تحياتي ,,,,

منقووول

[جارة الوادي]

سبحان الله
كثرت العنوسه والسبب غلاة المهور
يعطيك العافيه
نصل

[أمير الصحراء]

غلا المهور سبب الأول والرئيسي في عنوسه البنات
حسبي الله ونعم الوكيل
سلمت أخي نصل على نقلك الرائع

الله يعطيك العافية

أمير الصحراء

[حسين الخبراني]

شكرا جارة الوادي واميرة الصحراء على هذا المرور الله يعين الشباب والبنات

[مرهف الاحساس]

لاحول الله يكون بعوننا
بس والله في ناس فيهم البركه
همهم الوحيد الستر على بناتهم
وفي ناس الله يسامحهم يحبون شي اسمه مهر

مشكووور يالغلا ع القصيدة الحلوة

[السحاري]

لاحول ولا قوه الا ابالله